កីឡា

លោក គួច ហុងជៀក រំពឹងក្លឹបហាប់គីដូសាលាបឋមបាក់ទូកទទួលបានសិស្សគុនកាន់តែច្រើនក្រោយបង្ហាញមុខនៅជើងឯកថ្នាក់ជាតិ

បានផុស

៥ ខែ មុន

នៅ

ថ្ងៃព្រហស្បតិ៍ ១២ កុម្ភៈ ២០២៦

ដោយ

លោក គួច ហុងជៀក អនុប្រធានសហព័ន្ធខ្មែរកីឡាហាប់គីដូ រំពឹងថាក្លឹបសាលាបឋមបាក់ទូកទទួលបានសិស្សគុនកាន់តែច្រើនចូលមកហ្វឹកហាត់បន្ទាប់ពីក្លឹបមួយនេះបង្ហាញខ្លួនក្នុងព្រឹត្តិការណ៍ជ្រើសរើសជើងឯកថ្នាក់ជាតិឆ្នាំ២០២៥ ដែលទើបបញ្ចប់ទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គួច ហុងជៀក

អនុប្រធានសហព័ន្ធខ្មែរកីឡាហាប់គីដូលោក គួច ហុងជៀក អរគុណចំពោះលោកនាយកសាលាបឋមបាក់ទូកដែលបានផ្ដល់ទីតាំងហ្វឹកហាត់កីឡាហាប់គីដូនៅទីនោះ និងបានខំប្រឹងប្រែងបណ្ដុះធនធានរហូតមានកីឡាករ កីឡាការិនីមកចូលរួមក្នុងការប្រកួតជើងឯកថ្នាក់ជាតិនេះ។

ទិដ្ឋភាពប្រកួតជើងឯកថ្នាក់ជាតិ

ការចូលរួមរបស់ក្លឹបបាក់ទូកគឺបានបង្ហាញពីធនធានថ្មី និងជាការចាប់ផ្ដើមមួយដែលបង្ហាញពីសកម្មភាពហ្វឹកហាត់ជំរុញទឹកចិត្តក្មេងៗទីនោះឲ្យបានឃើញពីសកម្មភាព សមិទ្ធផលមួយរយៈពេលថ្មីនេះ។ លោកសង្ឃឹមថាចាប់ពីពេលនេះតទៅក្លឹបនឹងទទួលបានសិស្សគុនកាន់តែច្រើនតាមរយៈសកម្មភាពទាក់ទាញ និងសមិទ្ធផលអស្ចាចារ្យរបស់ក្លឹបកាលពីជើងឯកថ្នាក់ជាតិនេះ។

ទិដ្ឋភាពប្រកួតជើងឯកថ្នាក់ជាតិ

បញ្ជាក់ដែរថា ក្លឹបសាលាបឋមសិក្សាបាក់ទូកជាក្លឹបថ្មីមួយដែលទើបបង្កើតបានប្រហែលមួយឆ្នាំនេះទេ។ ក្លឹបនេះមានទីតាំងនៅក្នុងសាលាបឋមបាក់ទូកនេះតែម្ដង និងមានការហ្វឹកហាត់ជាប្រចាំ។ ក្នុងការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ ដែលទើបបញ្ចប់ទៅនេះក៏មានការចូលរួមប្រកួតប្រជែងពីក្លឹបថ្មីមួយនេះផងដែរ៕