ព័ត៌មានអន្ដរជាតិ
អ៊ីរ៉ង់ធ្វើសមយុទ្ធលើសមុទ្រ និងអះអាងពីការគ្រប់គ្រងទាំងស្រុងលើច្រកដឹកប្រេងពិភពលោក
នៅក្នុងការបង្ហាញសមត្ថភាពឃ្លាំមើលយោធាយ៉ាងគឃ្លើន ប្រទេសអ៊ីរ៉ង់បានប្រកាសថា ខ្លួនរក្សាបាននូវ «ឧត្តមភាពចារកម្ម២៤ម៉ោងលើ២៤ម៉ោង» លើច្រកសមុទ្រ Hormuz ដែលជាច្រករបៀងនាវាចរណ៍ដ៏សំខាន់បំផុតរបស់ពិភពលោក។
យោងតាមកាសែត Yeni Şafak លោកអនុនាវីឯក Alireza Tangsiri មេបញ្ជាការកងទ័ពជើងទឹកនៃកងឆ្មាំបដិវត្តន៍អ៊ីស្លាម (IRGC) បានបញ្ជាក់កាលពីថ្ងៃចន្ទទី១៦ខែកុម្ភៈថា កងកម្លាំងរបស់លោកកំពុងប្រើប្រាស់ការត្រួតពិនិត្យទាំងលើផ្ទៃទឹក លើអាកាស និងក្រោមផ្ទៃទឹក ដើម្បីតាមដានរាល់ចលនាទាំងអស់នៅច្រកសមុទ្រ Hormuz។ ការប្រកាសនេះ កើតមានឡើងខណៈដែល IRGC ចាប់ផ្តើមសមយុទ្ធយោធា «Smart Control» ដែលជាការឆ្លើយតបដោយផ្ទាល់ទៅនឹងភាពតានតឹងក្នុងតំបន់ និងការធ្វើដំណើររបស់នាវាដឹកប្រេង និងនាវាផ្ទុកកុងតឺន័រជាង ៨០គ្រឿងដែលឆ្លងកាត់ច្រកសមុទ្រនេះជារៀងរាល់ថ្ងៃ។
សមយុទ្ធដែលកំពុងកើតឡើងនេះត្រូវបានពណ៌នាថាជាសមយុទ្ធ «ចម្រុះ បាញ់គ្រាប់ពិត និងមានគោលដៅច្បាស់លាស់» ដោយផ្តោតលើការការពារដែនកោះក្នុងតំបន់ដែលលោក Tangsiri ចាត់ទុកថាជា «បន្ទាយដែលមិនអាចវាយលុកបាន»។ ដ្បិតកងទ័ពជើងទឹក IRGC តែងរៀបចំសមយុទ្ធប្រចាំឆ្នាំក៏ដោយ ក៏ការហ្វឹកហ្វឺនឆ្នាំនេះមានភាពលេចធ្លោខុសប្លែកពីមុន ដោយមានការដាក់បង្ហាញឧបករណ៍ដែលមិនធ្លាប់បង្ហើបឲ្យដឹងពីមុន និងយុទ្ធសាស្ត្រប្លែកៗដែលរៀបចំឡើងដើម្បីបង្ហាញពីសមត្ថភាពឆ្លើយតបរហ័ស។ ក្រោមការត្រួតពិនិត្យរបស់មេទ័ព Mohammad Pakpour អង្គភាពនានារបស់អ៊ីរ៉ង់កំពុងហ្វឹកហាត់ដើម្បីធ្វើអន្តរាគមន៍ ត្រួតពិនិត្យ ឬសូម្បីតែចាប់ឃាត់ «នាវាដែលគ្មានការអនុញ្ញាត» ណាដែលចូលមកក្នុងដែនទឹកយុទ្ធសាស្ត្រទាំងនេះ។
ការបង្ហាញកម្លាំងជើងទឹកនេះ កើតឡើងស្របពេលជាមួយនឹងការបង្កើនវត្តមានយោធារបស់សហរដ្ឋអាមេរិក រួមទាំងការបញ្ជូននាវាផ្ទុកយន្តហោះទីពីរទៅចូលរួមជាមួយនាវា USS Abraham Lincoln នៅក្នុងឈូងសមុទ្រពែរ្ស។ ទោះបីជាមានការដាក់ពង្រាយអាវុធធុនធ្ងន់យ៉ាងណាក្តី ក៏យន្តការការទូតនៅតែបន្តដើរទៅមុខ ដោយទីក្រុងតេហេរ៉ង់ និងវ៉ាស៊ីនតោន គ្រោងនឹងបន្តការចរចាដោយប្រយោលនៅថ្ងៃអង្គារនេះ។ ក្រោមការសម្របសម្រួលពីអូម៉ង់ កិច្ចចរចានេះគឺជាការប៉ុនប៉ងដ៏ផុយស្រួយក្នុងការបន្ធូរបន្ថយភាពតានតឹង បន្ទាប់ពីការផ្អាកអស់៨ខែដោយសារការវាយប្រហាររបស់អ៊ីស្រាអែល ដែលធ្វើឲ្យពិភពលោកត្រូវចាំអ៊ុតមើលថា តើជំហានបន្ទាប់គឺជាការចាប់ដៃគ្នា ឬជាការផ្ទុះអាវុធ៕
ប្រែសម្រួល៖ ឈាង
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ