KPT+
នៅផ្ទះពេលបិទខ្ទប់កុំមើលទូរសព្ទច្រើនពេក អាចប៉ះពាល់ស្បែក
ក្នុងពេលដែលយើងគ្រប់គ្នាត្រូវនៅក្នុងផ្ទះតាមការណែនាំរបស់រដ្ឋាភិបាល ដើម្បីទប់ស្កាត់ការរាលដាលវីរុសកូវីដ១៩ ពិតណាស់គ្នាយើងប្រហែលជាចំណាយពេលច្រើនមើលទូរសព្ទ ទូរទស្សន៍ ឬនៅមុខកុំព្យូទ័រច្រើនជាដើម។ ការនៅមុខឧបករណ៍អេឡិចត្រូនិកទាំងនេះយូរម៉ោង ក៏អាចធ្វើឲ្យប៉ះពាល់សុខភាពស្បែករបស់យើងដែរដោយសារតែពន្លឺពណ៌ខៀវចេញពីអេក្រង់ឧបករណ៍ទាំងនោះ។
១. ឥទ្ធិពលពន្លឺពណ៌ខៀវលើស្បែក
គ្នាយើងប្រហែលជាបានដឹងហើយថាកាំរស្មី UV អាចបំផ្លាញកោសិកា DNA ដោយផ្ទាល់ តែចំណែកពន្លឺពណ៌ខៀវនេះវិញបានបានបំផ្លាញខូឡាជែនរបស់ស្បែក តាមរយៈoxidative stress ។ Oxidative stress គឺជាបាតុភូតមួយបង្កឲ្យមានអតុល្យភាពរវាងរ៉ាឌីកាល់សេរី និងសារធាតុប្រឆាំងអុកស៊ីតកម្មនៅក្នុងរាងកាយ ដែលការណ៍នេះអាចនាំឲ្យខូចខាតកោសិកា និងជាលិកា ដែលអាចនាំឲ្យស្បែកឆាប់ចាស់។
សារធាតុគីមីក្នុងស្បែករបស់យើងម្យ៉ាងមានឈ្មោះថា flavin ជាអ្នកស្រូបយកពន្លឺពណ៌ខៀវនេះ។ ប្រតិកម្មដែលកើតមានពេលស្រួបពន្លឺនេះនាំឲ្យមានការផលិតមូលេគុលអុកស៊ីសែនមិនមានស្ថិរភាព ឬហៅថារ៉ាឌីកាល់សេរី ដែលអាចបំផ្លាញស្បែករបស់យើងបាន។ ការប៉ះពាល់ពន្លឺពណ៌ខៀវនេះយូរ អាចនាំឲ្យស្បែកប្រែពណ៌ ទៅជាជាំ កម្រិតមធ្យមទៅជាខ្មៅ។
ពន្លឺមួយនេះក៏មានឥទ្ធិពលលើស្បែក ធ្វើឲ្យស្បែកឆាប់ចាស់ជាងវ័យ។ ដូចគ្នាដែរ ពេលយើងអង្គុយសម្លឹងអេក្រង់ទូរសព្ទយូរ យើងក៏ត្រូវឱនយូរដូចគ្នា។ ការឱនយូរនេះធ្វើឲ្យស្បែកនៅករបស់យើងអាចឡើងជ្រួញលឿនដែរ។
២. វិធីការពារស្បែក
វិធីងាយៗមួយគឺ យើងត្រូវកម្រិតពន្លឺពណ៌ខៀវនេះចេញពីឧបករណ៍អេឡិចត្រូវនិចរបស់យើងឲ្យនៅតិចបំផុត។ នៅលើឧបករណ៍អេឡិចត្រូនិកច្រើនមានកម្មវិធីអាចកំណត់ពន្លឺលើអេក្រង់បាន។
អ្វីដែលងាយស្រួលជាងនេះ យើងត្រូវផ្អាកការមើល ឬសម្លឹងអេក្រង់អេឡិកត្រូនិកទាំងនោះ ដោយមិនត្រូវចំណាយពេលយូរក្នុងការមើលនោះទេ ឬបើយើងធ្វើការមុខកុំព្យូទ័រ ត្រូវឧស្សាហ៍ងើបដើរចេញខ្លះ។ មួយវិញទៀត បើយើងមើលទួរសព្ទត្រូវសម្រាកឲ្យបានញឹកញាប់កុំមើលយូរម៉ោង ដើម្បីកុំឲ្យករបស់យើងត្រូវឱនចុះយូរម៉ោងពេក៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ តាមដានព័ត៌មានបែបរន្ធត់អំឡុងពេលកូវីដ-១៩ គ្រោះថ្នាក់ដល់សុខភាពផ្លូវចិត្ត
ចុចអាន៖ ប្រើទូរសព្ទច្រើននៅពេលយប់ អាចប៉ះពាល់ដល់គុណភាពដំណេក
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៧ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ