កីឡា

ថ្ងៃនេះពេញលេង! វិសាខា ប៉ះ មហាផ្ទៃ ខណៈ រាជធានីភ្នំពេញ ប៉ះ ក្រុមខេត្តស្វាយរៀង

បានផុស

២ ខែ មុន

នៅ

ថ្ងៃពុធ ២៥ កុម្ភៈ ២០២៦

ដោយ

ការប្រកួតកីឡាបាល់ទះពានរង្វាន់សម្តេចក្រឡាហោម ស ខេង លើកទី៤ ឈានដល់វគ្គ ៨ ក្រុមចុងក្រោយហើយ បន្ទាប់ពីបញ្ចប់វគ្គ ១៦ ក្រុមចុងក្រោយកាលពីដើមសប្តាហ៍នេះ។

ក្រុមទទួលបានកៅអីឡើងមកជួបគ្នានៅវគ្គ ៨ ក្រុមចុងក្រោយ រួមមាន ស្នងការខេត្តព្រះសីហនុ ត្រូវជួបក្រុម ស្នងការខេត្តកោះកុង។ ក្រុមកងពលធំអន្តរាគមន៍លេខ ៣ ត្រូវជួបក្រុម បញ្ជាការដ្ឋានអង្គរក្ស A។

គូដែលគួរឲ្យចាប់អារម្មណ៍បំផុតគឺ ក្រុមស្នងការរាជធានីភ្នំពេញ ជួបក្រុម ស្នងការខេត្តស្វាយរៀង និងចុងក្រោយក្រុមក្រសួងមហាផ្ទៃ ត្រូវជួបក្រុម វិសាខា។ គូនេះនឹងមាន ២ បានឡើងទៅកាន់វគ្គពាក់កណ្តាលផ្តាច់ព្រ័ត្រ ហើយនឹងសោកស្តាយដែលមាន ២ ក្រុមត្រូវធ្លាក់ចេញត្រឹមវគ្គនេះ។

ក្រុមដែលអាចចាត់ទុកមានសំណាងគឺ ស្នងការខេត្តព្រះសីហនុ និង ស្នងការខេត្តកោះកុង ដែលបានឈានដល់វគ្គ ៨ ក្រុមចុងក្រោយ ហើយត្រូវប៉ះគ្នា ដូច្នេះនឹងមានក្រុមខេត្តមួយឈានដល់វគ្គពាក់កណ្តាលផ្តាច់ព្រ័ត្រ។

លទ្ធផលវគ្គ ១៦ ក្រុមចុងក្រោយ

ស្នងការខេត្ត ព្រៃវែង ០-៣ ស្នងការខេត្ត កោះកុង
ស្នងការខេត្ត ព្រះសីហនុ ៣-២ ស្នងការខេត្ត កំពង់ឆ្នាំង
កងពលធំអន្តរាគមន៍លេខ៣ ៣-២ ស្នងការខេត្ត ពោធិ៍សាត់
បញ្ជាការដ្ឋានអង្គរក្ស A ៣-០ ស្នងការខេត្ត មណ្ឌលគិរី
ស្នងការរាជធានីភ្នំពេញ ៣-២ ស្នងការខេត្ត ត្បូងឃ្មុំ
ស្នងការខេត្ត ស្វាយរៀង ៣-០ លោកតាឌីព្រះវិហារ
ក្រសួងមហាផ្ទៃ ៣-០ រាជសីអង្គរសៀមរាប
វិសាខា ៣-១ បញ្ជាការដ្ឋានអង្គរក្ស B

គូប្រកួតវគ្គ ៨ ក្រុមចុងក្រោយ

ស្នងការខេត្ត កោះកុង vs ស្នងការខេត្ត ព្រះសីហនុ
កងពលធំអន្តរាគមន៍លេខ៣ vs បញ្ជាការដ្ឋានអង្គរក្ស A
ស្នងការរាជធានីភ្នំពេញ vs ស្នងការខេត្ត ស្វាយរៀង
វិសាខា vs ក្រសួងមហាផ្ទៃ

វគ្គពាក់កណ្តាលផ្តាច់ព្រ័ត្រ

ស្នងការខេត្ត កោះកុង vs ស្នងការខេត្ត ព្រះសីហនុ / កងពលធំអន្តរាគមន៍លេខ៣ vs បញ្ជាការដ្ឋានអង្គរក្ស A
ស្នងការរាជធានីភ្នំពេញ vs ស្នងការខេត្ត ស្វាយរៀង / វិសាខា vs ក្រសួងមហាផ្ទៃ

អត្ថបទ៖ វិរបុត្រ

Related Topics:ពានរង្វាន់សម្ដេចក្រឡាហោម ស ខេង