កីឡា

ប្រធានក្លឹបបាល់ទះអកសមុទ្រ សមត្ថភាពកីឡាការិនីបរទេសគឺល្អ និងជួយក្រុមឲ្យឆ្ពោះទៅរកពាន

បានផុស

៥ ខែ មុន

នៅ

ថ្ងៃព្រហស្បតិ៍ ២៦ កុម្ភៈ ២០២៦

ដោយ

ប្រធានក្លឹបបាល់ទះអកសមុទ្រ កីឡាការិនីបរទេសទាំងពីរនាក់ដែលកំពុងជួយក្រុមបានល្អរហូតឡើងទៅវគ្គពាក់កណ្ដាលផ្ដាច់ព្រ័ត្រពានសម្ដេច ក្រឡាហោម គឺមានបទពិសោធច្រើនកន្លងមកធ្លាប់លេងនៅឯប្រទេសរបស់ខ្លួននៅហូល្លង់ អ៊ីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេកអកសមុទ្រ

លោក ម៉ៅ សុផាន់ណៃ ម្ចាស់ក្លឹបបាល់ទះអកសមុទ្របានឲ្យដឹងថា ការប្រកួតកន្លងទៅរបស់ក្រុមបាល់ទះនារីអកសមុទ្រគឺលេងត្រូវគ្នា និងសហការគ្នាបានល្អទាំងកីឡាការិនី និងគ្រូបង្វឹក។ ប៉ុន្តែក្រុមនៅតែមានចន្លោះខ្វះខាតត្រូវពង្រឹងបន្ថែមផងដែរ។

រូបភាពលើផេកអកសមុទ្រ

ចំពោះសមត្ថភាពកីឡាការិនីបរទេសទាំងពីរនាក់គឺ SILVIA MENEGHINI និង GEERTJE VAN PUTTE អ្នកទាំងពីរលេងបានល្អ និងមានសមត្ថភាពខ្ពស់។ អ្នកទាំងពីរធ្លាប់មានក្រុម ធ្លាប់លេងនៅឯប្រទេសរៀងៗខ្លួនគឺឯប្រទេសហូល្លង់ និងអ៊ីតាលី។ យ៉ាងណាអ្នកទាំងពីរឈប់លេងបាល់យូរមកហើយ និងបានមករស់នៅធ្វើការងារក្នុងប្រទេសកម្ពុជាប្រហែល ៥-៦ឆ្នាំហើយ។ ទើបតែមួយរយៈពេលនេះប៉ុណ្ណោះអ្នកទាំងពីរបានចូលហ្វឹកហាត់វិញ និងបានចូលប្រកួតជាបន្តបន្ទាប់ពិសេសនៅពានសម្ដេច ក្រឡាហោមនេះ។

ទិដ្ឋភាពប្រកួតកន្លងទៅ

បញ្ជាក់ដែរថា ក្រុមបាល់ទះអកសមុទ្រផ្នែកនារី នេះបានឡើងទៅវគ្គពាក់កណ្ដាលផ្ដាច់ព្រ័ត្រហើយបន្ទាប់ពីឈ្នះទាំង៣ប្រកួតនៅវគ្គជម្រុះក្នុងពូល។ ក្រុមមួយនេះបង្ហាញទម្រង់លេងយ៉ាងល្អ និងមានការចាប់អារម្មណ៍ខ្លាំងលើកីឡាការិនីបរទេសពីររូបគឺ SILVIA MENEGHINI និង GEERTJE VAN PUTTE ដែលមានសមត្ថភាពលេងល្អពិសេសការវាយសេវាលឿន ធ្ងន់ និងការម៉ាត់ផ្ដាច់ក៏ល្អថែមទៀត។ វគ្គពាក់កណ្កាលផ្ដាច់ព្រ័ត្រនេះគឺក្រុមអកសមុទ្រនឹងត្រូវប៉ះ ក្រសួងមហាផ្ទៃ វេលាម៉ោង ២រសៀល ថ្ងៃទី២៧ ខែកុម្ភៈ ឆ្នាំ២០២៦ នេះ៕