កីឡា

លោក អ៊ូ សុផល៖ ប៉ះសេគឺសំខាន់ ប៉ះស្អាតមិនងាយបាំងទេ ប៉ះស្អាតស្មាត់ល្មមៗក៏វាយបានដែរ

បានផុស

១ ខែ មុន

នៅ

ថ្ងៃសុក្រ ១៣ មីនា ២០២៦

ដោយ

គ្រូបង្វឹកក្រុមបាល់ទះក្រសួងមហាផ្ទៃ លោក អ៊ូ សុផល ថាអ្នកប៉ះសេគឺមានសារសំខាន់ណាស់សម្រាប់ក្រុមទាំងមូល ព្រោះដៃគូពិបាកតាមបាំងណាស់ក្នុងការប្រកួតផង និងបានជួយស្មាត់ល្មមៗក៏អាចវាយផ្ដាច់បានដែរ។

លោក អ៊ូ សុផល

លោក អ៊ូ សុផល បានឲ្យដឹងថា អ្នកប៉ះសេគឺសំខាន់សម្រាប់ក្រុមទាំងមូល ដូច្នេះប្រសិនបើក្រុមមួយមានអ្នកប៉ះសេខ្លាំងមានភាពឆ្លាតវៃហើយនោះគឺក្រុមមិនសូវជួបការលំបាក ឬត្រូវជួយកែបាល់ច្រើននោះឡើយ។ អ្នកប៉ះសេខ្លាំងគឺគូប្រកួតពិបាកតាមបាំងក្រុមខ្លួនណាស់ និងមួយទៀតនោះបានជួយឲ្យស្មាត់មានសមត្ថភាពល្មមៗក៏អាចវាយផ្ដាច់បានដែរ។

កីឡាករ សួន ចាន់ណារ៉ូ

គ្រូបង្វឹករូបនេះបន្ថែមទៀតថា ស្មាត់ល្មមៗមែន ប៉ុន្តែប្រសិនបើអ្នកប៉ះសេល្អបោះបាល់ឡើងទៅគឺស្មាត់ទាំងនោះមើលឃើញចន្លោះប្រហោមអាចវាយផ្ដាច់តែម្ដង។ អ្នកប៉ះសេល្អដូចជាការលើកបាល់ដាក់លើពានឲ្យស្មាត់វាយផ្ដាច់ដើម្បីងាយស្រួលយកឈ្នះក្នុងការប្រកួតដូច្នេះដែរ។

កីឡាករហ្វីលីពីន Retamar

បញ្ជាក់ដែរថា អ្នកប៉ះសេឆ្នើមៗនៅកម្ពុជានាពេលបច្ចុប្បន្ននេះគឺរួមមាន សួន ចាន់ណារ៉ូ កែវ ស្រេងលីហួរ យ៉ុន ខេមរៈ ឡាង រាសីកែវ និងជើងចាស់លោក ហួត សុភា។ ចំណែកកីឡាករវ័យក្មេងរបស់ក្រុមស្នងការ ន.ប រាជធានីភ្នំពេញ យ៉ុន ខេមរៈ បានឈ្នះពានរង្វាន់អ្នកលើកបាល់ល្អជាងគេក្នុងព្រឹត្តិការណ៍ពានរង្វាន់សម្ដេច ក្រឡាហោម លើកទី៤ ដែលទើបបញ្ចប់កាលពីដើមខែមីនា ឆ្នាំ២០២៦ នេះទៀតផង៕