ព័ត៌មានជាតិ

យានយន្តធុនធំបញ្ចៀសធ្វើចរាចរណ៍កាត់ក្រុងក្រចេះរយៈពេល ៣ ថ្ងៃ ឱកាសរៀបចំពិធីបុណ្យទន្លេ

បានផុស

៤ ខែ មុន

នៅ

ថ្ងៃពុធ ២៥ មីនា ២០២៦

ដោយ

យានយន្តធុនធំគ្រប់ប្រភេទ ត្រូវបានអាជ្ញាធរណែនាំឲ្យបញ្ចៀសការធ្វើចរាចរណ៍ចេញពីទីរួមក្រុងក្រចេះជាបណ្តោះអាសន្ន ចាប់ពីថ្ងៃទី២៥ ខែមីនា ឆ្នាំ២០២៦ ដល់ថ្ងៃទី៣០ ខែមីនា ឆ្នាំ២០២៦ ស្របពេលការរៀបចំដំណើរការកម្មវិធីប្រារព្ធព្រឹត្តិការណ៍បុណ្យទន្លេលើកទី១០ ឆ្នាំ២០២៦។ នេះបើតាមសេចក្តីជូនដំណឹងរបស់រដ្ឋបាលខេត្តក្រចេះ នារសៀលថ្ងៃទី២៤ ខែមិនា ឆ្នាំ២០២៦។

ដើម្បីឱ្យកម្មវិធីប្រព្រឹត្តទៅរក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀសបាននូវការកកស្ទះចរាចរណ៍ក្នុងទីរួមខេត្ត អាជ្ញាធរខេត្តបានណែនាំដល់ម្ចាស់យានយន្តធុនធំគ្រប់ប្រភេទត្រូវបង្វែរការធ្វើចរាចរណ៍ទៅតាមកំណាត់ផ្លូវជាតិលេខ ៦០បេ ចាប់ពីចំណុចគល់ស្ពានឆ្លងកាត់ទន្លេមេគង្គ ត្រើយខាងកើតឆ្ពោះទៅតាមផ្លូវក្រវ៉ាត់ក្រុងថ្មីទៅរង្វង់មូលខ្លាស្ទុះ

ព្រឹត្តិការណ៍បុណ្យទន្លេលើកទី ១០ ឆ្នាំ២០២៦ នឹងប្រព្រឹត្តទៅនៅថ្ងៃទី២៧ ខែមីនា ឆ្នាំ២០២៦ ដល់ថ្ងៃទី២៩ ខែមីនា ឆ្នាំ២០២៦ នៅក្នុងទីរួមខេត្តក្រចេះ ក្រោមប្រធានបទ “ទន្លេបៃតង បេតិកភណ្ឌវប្បធម៌ និងធម្មជាតិមហាសាល”៕