កីឡា

វគ្គផ្តាច់ព្រ័ត្រពានសម្តេចតេជោ ថ្ងៃអាទិត្យនេះ ទទួលបានភាពរីករាយ លើសពីបាល់ទាត់

បានផុស

២ ខែ មុន

នៅ

ថ្ងៃសៅរ៍ ២៣ ឧសភា ២០២៦

ដោយ

ការប្រកួតវគ្គផ្តាច់ព្រ័ត្រពានសម្តេចអគ្គមហាសេនាបតីតេជោ ហ៊ុន សែន លើកទី ១៩ នៅថ្ងៃ អាទិត្យ ទី ២៤ ខែ ឧសភា ឆ្នាំ ២០២៦ នឹងកាន់តែទាក់ទាញសម្រាប់អ្នកគាំទ្រទៅទស្សនាផ្ទាល់ ដោយនៅចន្លោះវគ្គទី ១ នឹងមានការសម្តែងពិសេសជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គផ្តាច់ព្រ័ត្រពានសម្តេចតេជោនៅចុងសប្តាហ៍នេះ ត្រូវបានគេរំពឹង ថា នឹងក្លាយជាការប្រកួតដ៏កក្រើក ដោយសារជាការជួបគ្នារវាងក្រុមខ្លាំង ២ ប្រចាំប្រទេស កម្ពុជា គឺ ព្រះខ័នរាជស្វាយរៀង និង វិសាខា។ ជំនួបនេះ ក៏ជាការសងសឹករបស់ ព្រះខ័នរាជស្វាយរៀង ផងដែរ បន្ទាប់ពីពួកគេធ្លាប់បរាជ័យក្រោមថ្វីជើងក្រុម វិសាខា នៅវគ្គផ្តាច់ព្រ័ត្រពានសម្តេចតេជោម្តង កាលពីឆ្នាំ ២០២១។

ព្រះខ័នរាជស្វាយរៀង ជាក្រុមជោគជ័យជាងគេ ដោយធ្លាប់ឈ្នះពានសម្តេចតេជោដល់ទៅ ៥ លើក ខណៈ វិសាខា មិនដែលចាញ់នៅវគ្គផ្តាច់ព្រ័ត្រសោះ ក្នុងការឡើងបាន ៣ លើក។ ដូច្នេះការប្រកួតនេះធានា ថា នឹងរំភើបសម្រាប់អ្នកគាំទ្រទៅទស្សនាផ្ទាល់។

ដូចបានបញ្ជាក់ពីខាងដើម ក្រៅពីការប្រកួត នៅមានការសម្តែងពិសេសៗជាច្រើនទៀត ដើម្បីកំដរអ្នកទស្សនា ដូចជានៅពេលបញ្ចប់វគ្គទី ១ នឹងមានការសម្តែងការលេងបាល់ទាត់ហ្វ្រីស្ទាយ៍ ដោយក្រុមហ្វ្រីស្ទាយ៍កម្ពុជា ដែលដឹកនាំដោយលោក ឡុង គឹមហេង និងក្រុមសិល្បៈហ៊ិបហប (Sela Pak HipHop)។ ក្រៅពីនេះ អ្នកគាំទ្រក៏នឹងសប្បាយរីករាយជាមួយការចាក់ចង្វាក់ EDM ដោយ DJ FII YAA ផងដែរ។

កុំភ្លេច ចូលរួមគាំទ្រ និងទស្សនាឲ្យបានច្រើនកុះករ នាល្ងាច ថ្ងៃអាទិត្យ ទី២៤ ខែឧសភា នេះនៅពហុកីឡដ្ឋានជាតិមរតកតេជោ ដែលមានអ្វីពិសេសច្រើនលើសពីការប្រកូតបាល់ទាត់ថែមទៀត៕