ព័ត៌មានអន្ដរជាតិ

នៅជប៉ុន បច្ចេកវិទ្យា AI បំពាក់តាមស្ថានីយ៍រថភ្លើងនិងអាគារខ្ពស់ ជួយទប់ស្កាត់ធ្វើអត្តឃាត

បានផុស

១ ខែ មុន

នៅ

ថ្ងៃចន្ទ ១ មិថុនា ២០២៦

ដោយ

ប្រទេសជប៉ុនបានណែនាំ ឲ្យបំពាក់ប្រព័ន្ធបច្ចេកវិទ្យាបញ្ញាសិប្បនិម្មិត (AI) នៅតាមស្ថានីយ៍រថភ្លើង និងអគារពាណិជ្ជកម្ម ដើម្បីការពារការធ្វើអត្តឃាត ហើយរហូតដល់ពេលនេះ ការបំពាក់ត្រូវបានធ្វើឡើងនៅទីតាំងប្រហែល ៤០ នៅក្នុងប្រទេសជប៉ុន ដែលបានជួយសង្គ្រោះមនុស្សយ៉ាងហោចណាស់ពីរនាក់។ យោងការចេញផ្សាយរបស់ Kyodo News។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន Asilla ដែលមានមូលដ្ឋាននៅទីក្រុងតូក្យូ បានបង្កើតប្រព័ន្ធនេះ ដែលវាយតម្លៃលទ្ធភាពដែលបុគ្គលនឹងលោតសម្លាប់ខ្លួន ដោយវិភាគអាកប្បកិរិយាដែលថតបានដោយកាមេរ៉ាសុវត្ថិភាពនៅស្ថានីយ៍ និងអគារ ដូចជាការដើរយឺតៗ ឬការឈរយូរនៅជិតគែមវេទិកាស្ថានីយ៍ ឬដំបូល។

សេចក្តីរាយការណ៍នោះ បានបន្តថា នៅពេលដែលប្រព័ន្ធរកឃើញសញ្ញាបែបនេះ ប្រព័ន្ធនោះនឹងជូនដំណឹងដល់ឆ្មាំសន្តិសុខ និងបុគ្គលិកស្ថានីយ៍ ជាមួយនឹងការព្រមានដែលចេញតាមរយៈឧបករណ៍បំពងសម្លេងក្នុងករណីខ្លះ។

ក្នុងករណីមួយនៃការប៉ុនប៉ងធ្វើអត្តឃាត ប្រព័ន្ធនោះបានរកឃើញបុរសម្នាក់នៅក្នុងតំបន់ដែលអតិថិជនមិនចូលនៅកន្លែងពាណិជ្ជកម្ម ហើយឆ្មាំម្នាក់បានដើរមករកគាត់។ ក្រោយមកបុរសនោះ បាននិយាយថា គាត់មានបំណងសម្លាប់ខ្លួនដោយលោត។ នេះបើយោងតាមក្រុមហ៊ុន។

ក្នុងករណីប៉ុនប៉ងធ្វើអត្តឃាតមួយទៀត ក្មេងម្នាក់ត្រូវបានគេរកឃើញថា ដេកយូរនៅជិតរបងនៅជាន់ខាងលើនៃកន្លែងមួយអស់រយៈពេលយូរ ហើយឆ្មាំសន្តិសុខម្នាក់ បានរកឃើញថា ក្មេងនោះបានសរសេរសំបុត្រអត្តឃាត។

ចាប់តាំងពីឆ្នាំ ២០២២មក ក្រុមហ៊ុន Asilla បានធ្វើការជាមួយមជ្ឈមណ្ឌលពាណិជ្ជកម្មប្រហែល ២០០ និងអង្គភាពផ្សេងទៀត ដើម្បីបណ្តុះបណ្តាលប្រព័ន្ធ AI លើវីដេអូកាមេរ៉ាសុវត្ថិភាពប្រហែល ៧ លានគ្រាប់ ដែលអនុញ្ញាតឱ្យវារកឃើញមិនត្រឹមតែសញ្ញានៃការធ្វើអត្តឃាតប៉ុណ្ណោះទេ ប៉ុន្តែថែមទាំងករណីនៃជំងឺ និងភាពអសមត្ថភាព ក៏ដូចជាអំពើហិង្សាផងដែរ៕

ប្រែសម្រួល រើយ