កីឡា

ប៉ែនកាក់ មហាម៉ាត់ ប៉ះ ធន់ វិស្នុ ឈ្នះចាញ់ត្រឹមពិន្ទុតែកក្រើកសង្វៀន និងពេញចិត្តចំពោះអ្នកគាំទ្រ

បានផុស

៤៩ នាទី មុន

នៅ

ថ្ងៃចន្ទ ១៣ កក្កដា ២០២៦

ដោយ

ការប្រកួតរវាង ប៉ែនកាក់ មហាម៉ាត់ និង ធន់ វិស្នុ បើទើជាឈ្នះចាញ់ត្រឹមពិន្ទុមែន ប៉ុន្តែមានការពេញចិត្តខ្លាំងចំពោះអ្នកគាំទ្រដែលបានទស្សនាដោយសារតែការអ្នកទាំងពីរវាយអស់ពីសមត្ថភាព និងមានទៅមានមកមិនឲ្យចាញ់គ្នានោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាម៉ាត់ និង វិស្នុ

បើទោះជាការប្រកួតបង្គ្រប់កិច្ចមែនក្ដី និងពានរង្វាន់បានលើ ធន់ វិស្នុ ប៉ុន្តែអ្នកទាំងពីរបានព្យាយាមប្រកួតដោយអស់ពីសមត្ថភាព និងចង់ឈ្នះរៀងខ្លួន។ កូនសិស្សលោក ធន់ សុភា រូបនេះមើលទៅមាឌតូច ចាញ់ប្រៀប និងចាញ់ទម្ងន់លើ ប៉ែនកាក់ មហាម៉ាត់ មែនតែក្នុងការប្រកួតជាក់ស្ដែងវាយគ្នាមិនញញើតនោះឡើយ។

រូបភាព TVK Sports

ការដើរបុករបស់ មហាម៉ាត់ និងកម្លាំងដ៏ខ្លាំងរបស់គេក៏មិនអាចវាយ ធន់ វិស្នុ ស្រួលៗបានឡើយ។ ចិត្តសឿង និងការវាយដកថយ និងបុកវិញរបស់ វិស្នុ ធ្វើឲ្យ មហាម៉ាត់ ហាក់ពិបាកខ្លាំងផងដែរ ព្រោះត្រូវស្នៀតកែង និងកណ្ដាប់ដៃមិនតិចនោះឡើយ។ យ៉ាងណាការប្រកួតបានបញ្ចប់ទៅ ៥ទឹក និងឈ្នះចាញ់ត្រឹមពិន្ទុមែនតែអ្នកទស្សនាគូនេះក៏មានភាពជក់ចិត្តខ្លាំងផងដែរ។

មហាម៉ាត់ និង វិស្នុ

បញ្ជាក់ដែរថា ដោយសារតែកីឡាករ ប៉ែនកាក់ មហាម៉ាត់ មិនអាចធ្វើទម្ងន់បានតាមការកំណត់នោះគឺរូបគេត្រូវឲ្យចាញ់ដោយស្វ័យប្រវត្តិ និងប្រគល់ពានទៅ ធន់ វិស្នុ។ យ៉ាងណាអ្នកទាំងពីរនៅតែប្រកួតមិត្តភាពដដែលតែជាការប្រកួតបង្គ្រប់កិច្ចតែប៉ុណ្ណោះ។ ឆ្លងកាត់ ៥ទឹកកីឡាករ ប៉ែនកាក់ មហាម៉ាត់ យកឈ្នះដោយពិន្ទុលើកីឡាករ ធន់ វិស្នុ កាលពីថ្ងៃទី១២ ខែកក្កដា ឆ្នាំ២០២៦ នៅសង្វៀនទទក៕

អត្ថបទដោយ៖ នួន ស៊ីណា