ព័ត៌មានជាតិ

ប្រជាពលរដ្ឋនិងអាជីវករក្នុងខណ្ឌច្បារអំពៅ បានទទួលម៉ាសពីសម្ដេចតេជោ

បានផុស

៥ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

ប្រជាពលរដ្ឋ ក៏ដូចជាអាជីវករលក់ដូរ តាមបណ្ដាផ្សារ ក្នុងមូលដ្ឋានខណ្ឌច្បារអំពៅរាជធានីភ្នំពេញ សូមថ្លែងអំណរគុណដល់សម្តេចតេជោ ហ៊ុន សែន ដែលសម្តេចបានផ្តល់ម៉ាសចែកជូនដល់ដៃប្រជាពលរដ្ឋនិងអាជីវករ ដោយពុំមានរើសអើងឡើយ។

ប្រជាពលរដ្ឋ ក៏ដូចជាអាជីវករ បាននិយាយថា ពួកគាត់សូមថ្លែងអំណរគុណដល់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចបានផ្តល់ម៉ាស់ចំនួន២លានម៉ាសមកដល់ប្រជាពលរដ្ឋ ដើម្បីកុំឲ្យឆ្លងជំងឺកូវីដ១៩នេះ។ ប្រជាពលរដ្ឋបានបញ្ជាក់ទៀតថា ពួកគាត់ពេញចិត្តនិងសូមគាំទ្រនូវសកម្មភាពរបស់សម្តេចតេជោ ដែលតែងតែជួយដល់ប្រជាពលរដ្ឋ ដោយមិនប្រកាន់និន្នាការនយោបាយទាំងស្បៀងអាហាររហូតដល់សុខភាពទៀតផង។

ប្រជាពលរដ្ឋបានបញ្ជាក់ថា នៅពេលដែលអាជ្ញាធរ បាននាំយកម៉ាស់របស់សម្តេចតេជោមកចែកជូនដល់ប្រជាពលរដ្ឋតាមខ្នងផ្ទះរហូតដល់តាមតូបលក់ដូរ គឺធ្វើឲ្យប្លែកខ្លាំងណាស់ ព្រោះប្រជាពលរដ្ឋទាំងអស់ មានម៉ាសពាក់គ្រប់ៗគ្នានិងធ្វើឲ្យអ្នកមិនមានម៉ាសពាក់ ក៏ធ្វើរអៀសខ្លួនទៀតផង។ ចំពោះយុទ្ធនាការពាក់ម៉ាសឲ្យបានគ្រប់ៗគ្នាបែបនេះ គឺជឿជាក់ថា ជំងឺកូវីដ១៩មិនអាចឆ្លងរាលដាលដល់សហគមន៍បានឡើយ ដោយសារតែប្រជាពលរដ្ឋលោកនាំគ្នាពាក់ម៉ាសនិងលាងសំអាតដៃសឹងគ្រប់ពេល៕