កូវីដ-១៩
វ៉ាក់សាំងកូវីដ-១៩មួយដូសៗមិនថោកទេ ហេតុអ្វីពលរដ្ឋកម្ពុជាចាក់មិនអស់ថ្លៃ?
វ៉ាក់សាំងការពារវីរុសកូវីដ-១៩ដែលកំពុងអភិវឌ្ឍនាពេលបច្ចុប្បន្ន មានតម្លៃមិនថោកនោះទេ។ ក្រុមហ៊ុននីមួយៗបានចំណាយវត្ថុធាតុដើមអស់មិនតិចឡើយ ដូច្នេះការចែកចាយដោយឥតគិតថ្លៃ ពិតជាមិនមានកើតឡើងដាច់ខាត។
ជាទូទៅវ៉ាក់សាំងការពារកូវីដ-១៩មានតម្លៃមធ្យមប្រមាណពី ៣ ទៅ ៣៧ ដុល្លារអាមេរិកអាស្រ័យលើវ៉ាក់សាំង និងក្រុមហ៊ុន។ ប៉ុន្តែចំពោះប្រជាជនកម្ពុជា អាចទទួលបានវ៉ាក់សាំងដោយមិនចំណាយមួយរៀល។ ហេតុអី?
ខាងក្រោមជាតម្លៃវ៉ាក់សាំងធំៗទាំង ៨ និងមូលហេតុដែលពលរដ្ឋខ្មែរអាចចាក់វ៉ាក់សាំងដោយមិនបង់ថ្លៃ៖
១. វ៉ាក់សាំង Moderna ផលិតដោយសហរដ្ឋអាមេរិក ត្រូវបានក្រុមហ៊ុនប្រកាសថា ១ដូសមានតម្លៃចាប់ពី ៣២ ទៅ ៣៧ ដុល្លារអាមេរិក។
២. វ៉ាក់សាំងចាក់តែ១ដូស Johnson & Johnson ក៏ជាផលិតផលរបស់ក្រុមហ៊ុនអាមេរិកដែរ ដែលវានឹងត្រូវចំណាយប្រមាណ ១០ ដុល្លារអាមេរិក។
៣. វ៉ាក់សាំង Pfizer-BioNTech ជាវ៉ាក់សាំងផលិតដោយក្រុមហ៊ុនពីរចូលគ្នារបស់អាល្លឺម៉ង់ ដែលវាមានតម្លៃ ១៩.៥០ ដុល្លារអាមេរិកក្នុង១ដូស។
៤. វ៉ាក់សាំង AstraZeneca ជាកិច្ចសហការរវាងសាកលវិទ្យាល័យ Oxford និងក្រុមហ៊ុន AstraZeneca មានទីតាំងនៅចក្រភពអង់គ្លេស ត្រូវបានដឹងថាមានតម្លៃថោកជាងគេត្រឹមតែ ៣ ទៅ ៤ ដុល្លារអាមេរិកក្នុង១ដូស។
៥. វ៉ាក់សាំង Sputnik V របស់ប្រទេសរុស្ស៊ី ១ដូសតម្លៃ ១០ ដុល្លារអាមេរិក។
៦. វ៉ាក់សាំង Novavax របស់សហរដ្ឋអាមេរិកមានតម្លៃប៉ាន់ស្មានប្រហែល ១៦ ដុល្លារអាមេរិកក្នុង១ដូស។
៧. វ៉ាក់សាំង Sinopharm របស់ប្រទេសចិន សម្រាប់២ដូសមានតម្លៃប្រហែល ១៤៥ ដុល្លារអាមេរិក។ នេះបើតាមការចុះផ្សាយពីសារព័ត៌មាន fiercepharma ។
៨. វ៉ាក់សាំង Sinovac ដែលជាការផលិតរបស់ប្រទេសចិនមានតម្លៃមិនដូចគ្នានោះទេ នៅតាមប្រទេសនីមួយៗ។ ប៉ុន្តែយោងតាមការផ្សាយរបស់កាសែត inquirer.net បានឱ្យដឹងថា ១ដូសតម្លៃប្រហែល ៥ ដុល្លារអាមេរិកនៅក្នុងប្រទេសអាស៊ីអាគ្នេយ៍។
មិនថាវ៉ាក់សាំងទាំងនេះមានតម្លៃប៉ុនណាទេ សម្រាប់ការចាក់វ៉ាក់សាំងនៅក្នុងប្រទេសកម្ពុជា ពលរដ្ឋគ្រប់រូបមិនតម្រូវ ឱ្យចំណាយថ្លៃថ្នាំ ឬបង់សេវាចាក់ឡើយ។ មូលហេតុដោយសាររាជរដ្ឋាភិបាលបានបង់ជំនួសរួចហើយតាមរយៈថវិការដ្ឋ ការបរិច្ចាគពីសប្បុរសជនក្នុងស្រុក ជំនួយពីប្រទេសជាមិត្ត និងទទទួលបានការឧបត្ថម្ភពីគម្រោង Covax ៕
ប្រែសម្រួល៖ សន្យា
ប្រភព៖ healthline
ចុចអាន៖ វ៉ាក់សាំងធំៗទាំង៧ ដែលជាអាវុធកម្ចាត់កូវីដ ចេញពីពិភពលោក
ចុចអាន៖ មកដឹងសារសំខាន់របស់កូវ៉ាក់ និងរបៀបផ្ដល់វ៉ាក់សាំងទៅប្រទេសមានចំណូលទាប
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ