ព័ត៌មានអន្ដរជាតិ

មន្ទីរពេទ្យអាមេរិកមួយនេះយកចំណតឡានដាក់គ្រែសម្រាប់អ្នកជំងឺកូវីដ

បានផុស

៥ years មុន

នៅ

ថ្ងៃសៅរ៍ ១៤ សីហា ២០២១

ដោយ

ការផ្ទុះឆ្លងកូវីដ-១៩នៅរដ្ឋ Mississippi សហរដ្ឋអាមេរិកបានហក់ឡើងខ្ពស់យ៉ាងខ្លាំងប៉ុន្មានថ្ងៃចុងក្រោយនេះដែលជំរុញឲ្យមន្ទីរពេទ្យខ្វះគ្រែសម្រាប់ដាក់អ្នកជំងឺរហូតយកចំណតរថយន្តធ្វើជាកន្លែងសម្រាប់ព្យាបាល។

អ្នកជំងឺកូវីដ-១៩ច្រើនលើសលប់ និងខ្វះបុគ្គលិកសុខាភិបាលនៅរដ្ឋ Mississippi ដូច្នេះមន្ទីរពេទ្យ University of Mississippi Medical Center (UMMC) បានរៀបចំចំណតរថយន្តរបស់ខ្លួនដែលអាចដាក់គ្រែបានចំនួន២០កាលពីព្រឹកថ្ងៃសុក្រ។ មន្ទីរពេទ្យគ្រោងនឹងបើកមន្ទីរពេទ្យចល័តមួយទៀតនៅដើមសប្តាហ៍ក្រោយនេះ ខណៈក្រសួងសុខាភិបាលអាមេរិក និងសេវាកម្មធនធានមនុស្សបានបញ្ជូនបុគ្គលិកសុខាភិបាលបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរពេទ្យ UMMC បានបើកកន្លែងព្យាបាលស្រដៀងគ្នានេះដែរនៅយានដ្ឋានមួយកន្លែងកាលពីឆ្នាំ២០២០។

អភិបាលរដ្ឋ Mississippi លោក Tate Reeves បាននិយាយថា រដ្ឋាភិបាលសហព័ន្ធបានបដិសេធចំពោះសំណើរសុំរបស់លោកសម្រាប់នាវាមន្ទីរពេទ្យកងទ័ពជើងទឹក USNS Comfort ដែលចតនៅកំពង់ផែ Manhattan កាលពីខែមីនា ឆ្នាំ២០២០ដើម្បីជួយសម្រាលបន្ទុកអ្នកជំងឺកូវីដ-១៩របស់ពួកគេ។ នៅពេលនោះ ទីក្រុងញូវយ៉កគឺជាមណ្ឌលនៃការផ្ទុះឆ្លងកូវីដ-១៩នៅសហរដ្ឋអាមេរិក។

កាលពីថ្ងៃសុក្រ លោក Reeves បានឲ្យដឹងថា ៖«ការស្នើសុំនាវានោះគឺមានបុគ្គលិកជាង៥០០នាក់ដែលអាចមកជាមួយនាវាដែលមានកន្លែងជាក់លាក់»។

លោកបាននិយាយថា លោកស្វាគមន៍ចំពោះបុគ្គលិកសុខាភបាលរបស់រដ្ឋាភិបាលសហព័ន្ធដែលបញ្ជូនមកកាន់រដ្ឋ Mississippi ប៉ុន្តែដូចគណបក្សសាធារណៈរបស់លោកជាច្រើនក៏បានតាំងចិត្តមិនបង្ខំឲ្យមនុស្សពាក់ម៉ាស់ទេ ដែលត្រូវបានគេដឹងថាជាការការពារដ៏មានប្រសិទ្ធភាពទប់ស្កាត់ការឆ្លងរាលដាល។

អត្រាចាក់វ៉ាក់សាំងទាប និងការវាយលុកខ្លាំងដោយវីរុសបំប្លែងខ្លួន Delta ស្ទើរទូទាំងសហរដ្ឋអាមេរិកបានធ្វើឲ្យប៉ះពាល់ដល់ប្រព័ន្ធសុខាភិបាលរដ្ឋមួយចំនួន។ រដ្ឋ Arkansas, Florida, Louisiana, Mississippi និង Oregon ត្រូវបានរាយការណ៍ពីចំនួនឆ្លងថ្មី និងចូលមន្ទីរពេទ្យច្រើនបំផុតជាប់កំណត់ត្រា។

យោងតាម Reuters បានឲ្យដឹងថា ចំនួនឆ្លងកូវីដ-១៩ថ្មីប្រចាំថ្ងៃទូទាំងប្រទេសបានកើនឡើងទ្វេដងកាលពីពីរសប្តាហ៍មុនដែលឈានដល់កម្រិតខ្ពស់បំផុតក្នុងរយៈពេល៦ខែចុងកហរោយនេះ។ ជាមធ្យមករណីស្លាប់ប្រចាំបានកើនឡើងដល់ទៅ៨៥%ក្នុងរយៈពេល១៤ថ្ងៃចុងក្រោយ៕

ប្រែសម្រួល៖ វីរបុត្រ
ប្រភព៖ Reuters