ព័ត៌មានជាតិ

យុវជនមា្នក់ ជិះម៉ូតូឡើងពីស្រែពេលមេឃកំពុងភ្លៀង ត្រូវរន្ទះបាញ់ស្លាប់

បានផុស

៤ years មុន

នៅ

ថ្ងៃសុក្រ ២០ សីហា ២០២១

ដោយ

យុវជនម្នាក់បានស្លាប់ភ្លាមៗ នៅក្រោមដំណក់ទឹកភ្លៀង ស្ថិតក្នុងសភាពរលាត់ស្បែកពេញខ្លួន ខណៈដែលជនរងគ្រោះឡើងមកពីស្រែដល់កំណាត់ផ្លូវលំ ហើយក៏ត្រូវរន្ទះបាញ់តែម្តង។ ករណីគ្រោះធម្មជាតិនេះបានកើតឡើង កាលពីថ្ងៃទី១៩ ខែសីហា ឆ្នាំ២០២១ វេលាម៉ោង៥និង៣០នាទី ល្ងាច នៅចំណុចទួលថ្ងាន់ធំ ស្ថិតនៅក្រុមទី២០ ភូមិអង់ជើង ឃុំតាម៉ឺន ស្រុកថ្មគោល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមប្រភពនៅទីនោះបាននិយាយថា នៅមុនពេលកើតហេតុ គឺមេឃកំពុងធ្លាក់ភ្លៀងយ៉ាងខ្លាំង ឯជនរងគ្រោះក៏បានធ្វើដំណើរឡើងពីស្រែដោយជិះម៉ូតូកាត់ភ្លៀង ពេលមកដល់លើកំណាត់ផ្លូវលំ ក៏មានករណីរន្ទះបាញ់តែម្តង បណ្តាលឲ្យជនរងគ្រោះស្លាប់នៅនឹងកន្លែង ហើយនៅលើខ្លួនប្រាណមានក្លិនឈ្ងៀម និងមានដាច់រលាត់ស្បែកជាច្រើនកន្លែងនៅលើខ្លួនប្រាណ។

បច្ចុប្បន្នសពជនរងគ្រោះដែលមានឈ្មោះ ម៉ុត សំរាំង ភេទប្រុស អាយុ១៦ឆ្នាំ មានទីលំនៅភូមិទំពូងជើង ឃុំតាម៉ឺន ស្រុកថ្មគោល ត្រូវបានសមត្ថកិច្ចប្រគល់ទៅឲ្យក្រុមគ្រួសាររៀបចំធ្វើបុណ្យតាមប្រពៃណីហើយ៕

អត្ថបទ៖ សោ និយមរ័ត្ន