សុខភាព
ខ្សោយកម្លាំងក្រោយជាពីកូវីដ-១៩ សាកល្បងអាហារទាំងនេះ
អាការអស់កម្លាំង ជាប្រតិកម្មនៃរាងកាយក្នុងការប្រយុទ្ធប្រឆាំងនឹងជំងឺឆ្លងដ៏កាចសាហាវ ដូចជាជំងឺកូវីដ-១៩ នេះជាដើម។ ការអស់កម្លាំងនេះនឹងបន្តកើតឡើង ទោះបីជាយើងបានជាសះស្បើយពីជំងឺកូវីដ-១៩ ហើយយ៉ាងណាក្ដី ដែលធ្វើឲ្យយើងគេងច្រើន ពិបាកឈរក្នុងរយៈពេលយូរ ក៏ដូចជាប៉ះពាល់ដល់សមត្ថភាពក្នុងការផ្ដោតអារម្មណ៍ និងការចងចាំ។ យ៉ាងណាមិញ យើងអាចដោះស្រាយអាការអស់កម្លាំងក្រោយជាសះស្បើយពីជំងឺកូវីដ-១៩ ប្រកបដោយប្រសិទ្ធភាព តាមរយៈការញ៉ាំអាហារទាំងនេះ។
១. ស្ពៃពួយឡេង
ស្ពៃពួយឡេងផ្ទុកកាឡូរីទាប ព្រមទាំងមានសារធាតុចិញ្ចឹម ជាតិដែក និងវីតាមីនC ខ្ពស់ ដែលមានគុណប្រយោជន៍ផ្ដល់ថាមពលដ៏ខ្លាំងក្លាដល់អ្នកដែលជាសះស្បើយពីជំងឺកូវីដ-១៩បានយ៉ាងអស្ចារ្យ។ បន្លែស្លឹកបៃតងមួយនេះ ក៏សម្បូរដោយសារធាតុប្រឆាំងនឹងអុកស៊ីតកម្ម ដែលអាចជួយពង្រឹងសុខភាពទូទៅ ដោយកាត់បន្ថយការរលាក ព្រមទាំងបង្កើនកម្រិតភាពស៊ាំ។
២. គ្រាប់ពូជ
ជាមួយគ្នានេះដែរ គ្រាប់ពូជដូចជាគ្រាប់ល្ពៅ គ្រាប់ជីរ ជាប្រភពដ៏ល្អនៃម៉ាញេស្យូម ជាតិដែក ជាតិសរសៃ និងអាស៊ីដខ្លាញ់អូមេហ្គា៣ ដែលអាចជួយការពារកោសិការបស់យើងពីរ៉ាឌីកាល់សេរីដ៏គ្រោះថ្នាក់ នៅអំឡុងពេលធ្វើមេតាប៉ូលីស។ ការញ៉ាំគ្រាប់ពូជទាំងនេះ មិនត្រឹមតែអាចជួយបង្កើនកម្រិតភាពស៊ាំប៉ុណ្ណោះទេ វាក៏អាចបញ្ចៀសពីអាការល្ហិតល្ហៃ ដោយសារតែវាត្រូវបានរំលាយយឺតៗនៅក្នុងរាងកាយ និងផ្ដល់ថាមពលដល់យើងពេញមួយថ្ងៃ។
៣. ផ្កាខាត់ណាខៀវ
ផ្កាខាត់ណាខៀវ ជាបន្លែមួយប្រភេទសម្បូរទៅដោយជាតិដែក វីតាមីនC ជាតិសរសៃ ប្រូតេអ៊ីន កាល់ស្យូម និងម៉ាញ៉េស្យូម ដែលអាចប្រឆាំងនឹងជំងឺស្លេកស្លាំង បង្កើតសាច់ដុំ ពង្រឹងកម្រិតថាមពល និងឆ្អឹងថែមទៀតផង។
៤. ស៊ុត
ចំណែកឯស៊ុតវិញ ក៏ជាប្រភពដ៏ល្អនៃប្រូតេអ៊ីន និងសារធាតុចិញ្ចឹម ក៏ដូចជាសារធាតុរ៉ែសំខាន់ៗដូចជាវីតាមីនD ហ្វូឡេត អាស៊ីដអាមីណូ វីតាមីនB12 និងជាតិដែក។ សម្រាប់អ្នកដែលជាសះស្បើយពីជំងឺកូវីដ-១៩ ស៊ុតអាចជួយបង្កើនកម្លាំងសាច់ដុំ និងឆ្អឹង បង្កើនកម្រិតថាមពលបានយ៉ាងស័ក្ដិសិទ្ធិ។ ហេតុនេះហើយ គ្នាយើងអាចបញ្ចូលស៊ុតនៅក្នុងរបបអាហារប្រចាំថ្ងៃ ដើម្បីកាត់បន្ថយអាការៈអស់កម្លាំងក្រោយជាសះស្បើយពីជំងឺកូវីដ-១៩នេះ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ មិនថាធ្ងន់ស្រាល ក្រោយជាពីកូវីដហាមដាច់ខាតប្រើរាងកាយធ្វើរឿងទាំងនេះ ប្រយ័ត្នពិបាកខ្លួន
ចុចអាន៖ គ្រឿងផ្សំក្នុងអាហារទាំង ៥នេះ ជួយពង្រឹងប្រព័ន្ធភាពស៊ាំក្នុងសម័យរោគរាតត្បាត
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២០ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ២០ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ