ព័ត៌មានអន្ដរជាតិ
វ៉ាក់សាំងកូវីដ ២៤០ លានដូស ប្រឈមការបោះចោលនៅជប៉ុន អាមេរិកនិងអឺរ៉ុប
ប្រទេសជឿនលឿន កំពុងស្តុកទុកវ៉ាក់សាំងការពារមេរោគកូវីដ-១៩ រាប់រយលានដូស ដែលប្រឈមនឹងការផុតកំណត់ មុនពេលពួកគេអាចផ្តល់ទៅឲ្យប្រជាជននៅក្នុងប្រទេសកំពុងអភិវឌ្ឍន៍ ដែលពិបាករកថ្នាំបង្ការ។
វ៉ាក់សាំងប្រហែល ១០០ លានដូសដែលបានទិញឬសន្យាផ្ដល់ឲ្យដោយ សមាជិកក្រុមប្រទេស G7 និងសមាជិកសហភាពអឺរ៉ុប នឹងត្រូវផុតកំណត់ត្រឹមចុងឆ្នាំនេះ ថ្វីបើមានការពិចារណាចាក់ដូសជំរុញក៏ដោយ។
សរុបទៅ វ៉ាក់សាំងប្រមាណ ២៤០ លានដូសនឹងប្រើប្រាស់លែងកើត ក្នុងរយៈពេលពីរខែទៀត ដែលនេះជាចំណុចមួយធ្វើឲ្យពួកគេជួបការពិបាកផ្នែកភស្តុភារ ក្នុងការបញ្ជូនទៅកាន់ប្រទេសកំពុងអភិវឌ្ឍន៍។
យោងតាមក្រុមហ៊ុនស្រាវជ្រាវចក្រភពអង់គ្លេស Airfinity បានឲ្យដឹងថា វ៉ាក់សាំងក្នុងស្តុក G-7 និង EU នឹងមានលើស ១ ពាន់លានដូសនៅត្រឹមចុងឆ្នាំ ២០២១ ដោយសារការផ្គត់ផ្គង់លើសតម្រូវការ។ ការវិភាគសន្មត់ថា ប្រទេសទាំងអស់នឹងចាក់ដូសជំរុញ ប៉ុន្តែមិនគិតពីការអនុម័តវ៉ាក់សាំងសម្រាប់កុមារអាយុក្រោម ១២ ឆ្នាំទេ។
វ៉ាក់សាំងកូវីដ ដែលផ្គត់ផ្គង់ដល់ប្រទេសជឿនលឿន ជាធម្មតាមានអាយុកាល ៦ ទៅ ៧ ខែ។ នៅពេលដូសត្រូវបានចែកចាយដល់ប្រទេសកំពុងអភិវឌ្ឍន៍ តាមរយៈកម្មវិធី COVAX ដែលគាំទ្រដោយអង្គការសុខភាពពិភពលោក គឺត្រូវការពេលវេលាដើម្បីធានាការផ្ទុកក្នុងកន្លែងត្រជាក់និងការដឹកជញ្ជូនទៅកន្លែងចាក់ថ្នាំបង្ការរោគ។ ពេលវេលានេះត្រូវតែយកមកពិចារណា ពាក់ព័ន្ធកាលបរិច្ឆេទផុតកំណត់របស់វ៉ាក់សាំងដែលបរិច្ចាគ។
ប្រទេសជប៉ុនបានទិញឬយល់ព្រមទិញវ៉ាក់សាំងចំនួន ៥៦០ លានដូស។ ប្រទេសនេះបានចាក់ថ្នាំបង្ការរោគយ៉ាងពេញលេញជាង ៦០ភាគរយដល់ប្រជាជន បើទោះបីជាការចាប់ផ្តើមយុទ្ធនាការចាក់វ៉ាក់សាំងមានភាពយឺតយ៉ាវ ជាងនៅអឺរ៉ុបនិងអាមេរិកក៏ដោយ។
ស្ទើរតែគ្រប់គ្នានៅប្រទេសជប៉ុនដែលចង់បានវ៉ាក់សាំង ត្រូវបានគេរំពឹងថានឹងទទួលបាននៅប្រហែលខែវិច្ឆិកា៕
ប្រែសម្រួល៖ Vann Vann
ប្រភព៖ Asia Nikkei
ចុចអាន៖ វ៉ាក់សាំងកូវីដ ២ប្រភេទ ផ្តល់ការការពារ ខ្លាំងជាងភាពស៊ាំ ពីធម្មជាតិទៅទៀត
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល