ព័ត៌មានជាតិ

អាល់កុលក្លែងក្លាយរាប់ម៉ឺនគីឡូក្រាម និងទំនិញខូចគុណភាពមួយចំនួនធំ ត្រូវមន្ត្រីជំនាញដុតបំផ្លាញចោល

បានផុស

៥ years មុន

នៅ

ថ្ងៃចន្ទ ១៨ តុលា ២០២១

ដោយ

អាល់កុលក្លែងក្លាយប្រមាណ១៦៨០០គីឡូក្រាម រួមនឹងទំនិញខូចគុណភាពជាច្រើនមុខសរុបចំនួន១៥០គីឡូក្រាម ត្រូវបានមន្ត្រីសាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបទំនិញក្លែងក្លាយ ហៅកាត់ថា (ក ប ប)បានធ្វើការចាក់បំផ្លាញ និងដុតបំផ្លាញចោលក្រោយរកឃើញនិងរឹបអូសបានពីលើទីផ្សារកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមមន្ត្រីជំនាញបានបញ្ជាក់ថា អាល់កុលក្លែងក្លាយ និងទំនិញខូចគុណភាព ហួសការបរិច្ឆេទប្រើប្រាស់ ដែលនាំឲ្យប៉ះពាល់សុខភាពអ្នកប្រើប្រាស់ ត្រូវបានដុត និងបំផ្លាញចោលនៅព្រឹកថ្ងៃទី១៨ ខែតុលា ឆ្នាំ២០២១នេះ ដោយមានការចូលរួមពីលោក លី សេរីសម្បត្តិ ប្រធានសាខាការពារអ្នកប្រើប្រាស់ កិច្ចការប្រគួតប្រជែង និងបង្ក្រាបទំនិញក្លែងក្លាយខេត្តតាកែវ រួមជាមួយមន្ត្រីជំនាញរបស់លោក មន្ត្រីនៃមន្ទីរបរិស្ថានខេត្ត មន្ត្រីនៃមន្ទីរពាណិជ្ជកម្មខេត្ត រួមនិងកម្លាំងអធិការនគរក្រុងដូនកែវ ខេត្តតាកែវផងដែរ នៅទីលានចាក់សំរាមក្រុងដូនកែវ ស្ថិតនៅភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ៕