ព័ត៌មានអន្ដរជាតិ
អ៉ីស្រាអែលរកឃើញ វ៉ាក់សាំង Pfizer សម្រាប់ក្មេងជំទង់មានប្រសិទ្ធភាពខ្ពស់ប្រឆាំង Delta
វ៉ាក់សាំងបង្ការកូវីដ-១៩ Pfizer មានប្រសិទ្ធភាពខ្ពស់ណាស់ការពារមិនឲ្យឆ្លង និងកើតរោញសញ្ញាពីវីរុសបំប្លែងខ្លួន Delta សម្រាប់ក្មេងជំទង់អាយុ១២ឆ្នាំដល់១៨ឆ្នាំ។ នេះបើតាមការសិក្សារកឃើញនៅប្រទេសអ៉ីស្រាអែល។
ការរកឃើញបានចេញផ្សាយនៅក្នុងទិនានុប្បវត្តិវេជ្ជសាស្ត្រ New England ទំនងជានឹងផ្តល់ការធានាបន្ថែមទៀតចំពោះវ៉ាក់សាំងដែលមានប្រសិទ្ធភាពប្រឆាំងនឹងវីរុសបំប្លែងខ្លួនដល់មនុស្សវ័យក្មេង ស្របពេលអាជ្ញាធរឱសថអាមេរិកពិចារណាអនុញ្ញាតឲ្យប្រើប្រាស់វ៉ាក់សាំងសម្រាប់កុមារចាប់ពីអាយុ៥ឆ្នាំ។
ការសិក្សាបានរកឃើញប្រសិទ្ធភាពវ៉ាក់សាំងដែលត្រូវបានប៉ាន់ស្មានប្រឆាំងនឹងការឆ្លងកូវីដ-១៩ចំពោះក្មេងជំទង់មាន៩០% និង៩៣%ប្រឆាំងរោគសញ្ញា ក្នុងរយៈពេល៧ទៅ២១ថ្ងៃ បន្ទាប់ពីចាក់ដូសទី២។
អង្គការថែទាំសុខភាព Clalit របស់ប្រទេសអ៉ីស្រាអែ និងអ្នកស្រាវជ្រាវរបស់សាកលវិទ្យាល័យ Harvard បានពិនិត្យមើលទិន្នន័យពីអ្នកចាក់វ៉ាក់សាំង៩៤៣៥៤នាក់អាយុ១២ទៅ១៨ឆ្នាំដែលត្រូវបានប្រៀបធៀបនឹងចំនួនស្មើគ្នានៃក្មេងជំទង់មិនទាន់ចាក់វ៉ាក់សាំងក្នុងក្រុមអាយុដូចគ្នា។
ការស្រាវជ្រាវត្រូវបានធ្វើចន្លោះខែមិថុនា និងខែកញ្ញានៅពេលដែលវីរុស Delta បានរាតត្បាតខ្លាំងនៅប្រទេសអ៉ីស្រាអែល។
ក្នុងសេចក្តីថ្លែងការណ៍មួយកាលពីល្ងាចថ្ងៃពុធ អង្គការ Clalit បាននិយាយថា ការសិក្សាគឺជាផ្នែកមួយនៃការវាយតម្លៃដែលត្រូវបានពិនិត្យមើលធំបំផុតត្រូវបានធ្វើឡើងក្នុងចំណោមក្រុមអាយុនៃប្រសិទ្ធភាពវ៉ាក់សាំងប្រឆាំងវីរុសបំប្លែងខ្លួន Delta។
កាលពីដើមសប្តាហ៍នេះដែរ ការវិភាគមួយរបស់មជ្ឈមណ្ឌលគ្រប់គ្រង និងបង្ការជំងឺឆ្លង (CDC) អាមេរិកបង្ហាញថា វ៉ាក់សាំង Pfizer មានប្រសិទ្ធភាពដល់៩៣%ការពារមិនឲ្យចូលមន្ទីរពេទ្យក្នុងចំណោមមនុស្សវ័យជំទង់អាយុ១២ដល់១៨ឆ្នាំ។
វ៉ាក់សាំង Pfizer/BioNTech ត្រូវបានអនុញ្ញាតឲ្យប្រើសម្រាប់កុមារអាយុ១២ឆ្នាំ ហើយក្រុមហ៊ុនបានកំពុងស្នើសុំការអនុម័តពីរដ្ឋបាលចំណីអាហារ និងឱសថ (FDA)អាមេរិកដើម្បីប្រើប្រាស់សម្រាប់កុមារអាយុ៥ឆ្នាំ។
គណកម្មការប្រឹក្សារបស់ FDA ត្រូវបានគេរំពឹងថា នឹងថ្លឹងថ្លែងអំពីទិន្នន័យចំពោះកុមារនៅចុងខែនេះ។
ចំណែកនៅអង់គ្លេសវិញ ការរាលដាលកូវីដ-១៩ក្នុងចំណោមកុមារបានកំពុងកើនឡើង ហើយបង្កជាកង្វល់ចំពោះអ្នកវិទ្យាសាស្ត្រដែលវ៉ាក់សាំងដំណើរការចាក់តាមសាលារៀនយឹត៕
ប្រែសម្រួល៖ វីរបុត្រ
ប្រភព៖ Reuters
-
កីឡា១៧ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
ព័ត៌មានអន្ដរជាតិ១ សប្តាហ៍ agoតម្លៃប្រេងអន្តរជាតិស្ទុះងើបឡើងវិញ ក្រោយអាមេរិកបើកការវាយប្រហារថ្មីប្រឆាំងអ៊ីរ៉ង់