រូបសំណាកធំបំផុតទាំង ៥ លើពិភពលោក សុទ្ធតែមានទីតាំងនៅអាស៊ី

ខាងក្រោមជាបញ្ជីឈ្មោះរូបសំណាកអច្ឆរិយៈធំជាងគេទាំង ៥លើលោក ដែលសុទ្ធសឹងតែមានទីតាំងនៅអាស៊ីទាំងអស់!

៥. Sendai Daikannon

រូបសំណាកដ៏អស្ចារ្យនេះមានកម្ពស់ ១០០ម៉ែត្រ ពណ៌នាអំពីព្រះពោធិសត្វមួយអង្គព្រះនាម Daikannon។ ជារូបសំណាកព្រះម៉ែខ្ពស់ជាងគេនៅប្រទេសជប៉ុន និងបានជាប់លំដាប់ទី៥ ក្នុងបញ្ជីរូបសំណាកខ្ពស់ជាងគេលើពិភពលោកផងដែរ។

៤. Ushiku Daibutsu

នេះជារូបសំណាកទី៤ នៅក្នុងបញ្ជីនៃរូបសំណាកដ៏ធំបំផុតនៅលើពិភពលោក គឺបដិមាព្រះពុទ្ធ Ushiku Daibutsu ដែលមានកម្ពស់ ១២០ម៉ែត្រ។ វាមានទីតាំងនៅខេត្ត Ibaraki ប្រទេសជប៉ុន។ រូបសំណាកនេះធ្លាប់ជាប់កំណត់ត្រាជារូបសំណាកខ្ពស់ជាងគេបំផុតនៅលើពិភពលោកពីឆ្នាំ ១៩៩៣-២០០៨។ ជារូបសំណាកធ្វើពីសំរិទ្ធ និងមានជណ្តើរយន្តនៅខាងក្នុងដែលអាចនាំភ្ញៀវទេសចរទៅទស្សនាជាន់លើបាន។

៣. Laykyun Sekkya

Laykyun Sekkya ជាកម្មសិទ្ធិរបស់ប្រទេសមីយ៉ាន់ម៉ា មានកម្ពស់ ១១៦ម៉ែត្រ។ ជារូបសំណាករបស់ព្រះពុទ្ធ Gautama បានចាប់ផ្តើមសង់នៅឆ្នាំ ១៩៩៦ ហើយបញ្ចប់នៅឆ្នាំ ២០០៨ ។ រូបសំណាកនេះឈរនៅលើប្រាសាទមួយ និងហ៊ុំព័ទ្ធដោយដើមពោធិ៍ ដែលជាទីសក្ការៈចំពោះពុទ្ធសាសនិកគ្រប់ទីកន្លែង។

២. Spring Temple Buddha

មានទីតាំងនៅប្រទេសចិន Spring Temple Buddha មានកម្ពស់ ១២៨ម៉ែត្រ ឬ ១៥៣ម៉ែត្រ រួមទាំងជើងទម្រ។ វា​ជា​រូបសំណាក​ធំ​បំផុត​ក្នុង​ពិភពលោកធ្វើ​ឡើង​ដោយ​ស្ពាន់ មាស និង​ដែក ហើយ​ត្រូវ​ចំណាយ​ពេល ១១ឆ្នាំ​ដើម្បី​សាងសង់។ ចំណែកជើង​ទម្រ​ គឺ​ជា​វត្ត​អារាម សម្រាប់ភ្ញៀវទេសចរកម្សាន្តផង និងធ្វើបុណ្យផង។

១. Statue of Unity

រូបសំណាកដ៏ធំមួយនេះ សាងសង់នៅក្នុងរដ្ឋ Gujarat ប្រទេសឥណ្ឌា ដោយចាប់ផ្តើមកំលុងឆ្នាំ ២០១៣ ហើយត្រូវបានសម្ពោធដោយនាយករដ្ឋមន្ត្រី Narendra Modi ក្នុងឆ្នាំ២០១៨។ វាជារូបបដិមារដ្ឋបុរសនៃប្រទេសឥណ្ឌា លោក Vallabhbhai Patel ដែលជាអ្នកបង្រួបបង្រួមជាតិអំឡុងឆ្នាំ ១៩៤៧-១៩៥០។ Statue of Unity ​មាន​កម្ពស់ ១៨២ម៉ែត្រ៕

ប្រែសម្រួល៖ សន្យា

ចុចអាន៖ ធ្លាប់ដឹងអត់! ​រូបសំណាកព្រះពុទ្ធស្ពាន់ធំជាងគេលើលោកសង់នៅឯណា?

ចុចអាន៖ មិននឹកស្មានថា ​មេជាងរូបសំណាកស្ពាន់ធំជាងគេនៅកម្ពុជា មានប្រវត្តិសិក្សាបែបនេះ!