កីឡា

AFF Cup៖ បើកឆាក កម្ពុជា ចាញ់ ម៉ាឡេស៊ី ១-៣

បានផុស

៥ years មុន

នៅ

ថ្ងៃចន្ទ ៦ ធ្នូ ២០២១

ដោយ

ក្រុមបាល់ទាត់ជម្រើសជាតិកម្ពុជាបានចាញ់ក្រុមជម្រើសជាតិម៉ាឡេស៊ី ដោយលទ្ធផល ១-៣ សម្រាប់ការប្រកួតវគ្គសន្សំពិន្ទុបើកឆាកពូល B ជើងឯកបាល់ទាត់លំដាប់ទី១អាស៊ាន AFF Championship ឆ្នាំ២០២០ ល្ងាចថ្ងៃនេះនៅប្រទេសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គទី១ កម្ពុជាហាក់មានស្ទុះយ៉ាងខ្លាំងក្នុងការវាយសម្រុកទៅលើម៉ាឡេស៊ីដែលមានតំបន់ការពារល្អ និងវាយបកប្រសិទ្ធភាព។ កម្ពុជាមិនអាចបំប៉ោងសំណាញ់ទីរបស់ម៉ាឡេស៊ីបានទេ។ ផ្ទុយទៅវិញម៉ាឡេស៊ីជាអ្នកបើកការនាំមុខ ១-០ នៅនាទី២៣តាមរយៈស៊ុតពិន័យ១១ម៉ែត្រ បន្ទាប់ពី កែម ចន្ទសុភ័ក្របង្កកំហុស។

ចំណែកនៅវគ្គទី២ កម្ពុជាបានគ្រប់បាល់ច្រើនជាង ប៉ុន្តែការសម្រុកហាក់ដូចជាខ្សោយជាងវគ្គទី១។ ការគ្រប់គ្រងបាល់ និងវាយសម្រុកភាគរយច្រើនជាងជំរុញឲ្យម៉ាឡេស៊ីលេងការពារ និងវាយបក។ របៀបលេងនេះធ្វើឲ្យម៉ាឡេស៊ីទទួលបានលទ្ធផលល្អ ហើយរកបាន២គ្រាប់ទៀតនៅនាទីទី៦១ និង៧៩ដើម្បីនាំមុខ ៣-០។

យ៉ាងណានៅវចុងវគ្គទី២ កម្ពុជាបានបំប៉ោងសំណាញ់ទី១របស់ម៉ាឡេស៊ីតាមរយៈការទាត់បាល់ពិន័យ១១ម៉ែត្រ ពី សាធ រូហ្ស៊ិត ដើម្បីតាមពីក្រោយ១-៣រហូតចប់ការប្រកួត បន្ទាប់ពីអ្នកចាំទីម៉ាឡេស៊ីបង្កកំហុស។

ដួច្នេះកម្ពុជានៅតែមិនទាន់មានប្រវត្តិឈ្នះម៉ាឡេស៊ីឡើយក្នុងពានរង្វាន់នេះដែលចាញ់៤គិតចាប់តាំងពីឆ្នាំ១៩៩៦មក។