ព័ត៌មានអន្ដរជាតិ

ខេត្តដីសណ្ដទន្លេមេគង្គរបស់ វៀតណាម ជាប់ កម្ពុជា ប្រឈមនឹងការខ្វះ ខ្សាច់ធ្ងន់ធ្ងរ

បានផុស

៥ years មុន

នៅ

ថ្ងៃសុក្រ ៧ មករា ២០២២

ដោយ

អាជ្ញាធរនៅក្នុងខេត្ត Dong Thap ដែលជាតំបន់ដីសណ្តទន្លេមេគង្គរបស់ប្រទេសវៀតណាមជាប់ខេត្តព្រៃវែងរបស់ព្រះរាជាណាចក្រកម្ពុជា បានព្រមានអំពីកង្វះខាតខ្សាច់ធ្ងន់ធ្ងរសម្រាប់ការសាងសង់នៅឆ្នាំនេះ ដោយសារការផ្គត់ផ្គង់ធ្លាក់ចុះដែលនាំឲ្យតម្លៃកើនឡើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Huynh Van Nguyen អនុប្រធានមន្ទីរធនធានធម្មជាតិ និងបរិស្ថានខេត្តបាននិយាយថា កាលពីឆ្នាំមុនមន្ទីរបានផ្តល់អាជ្ញាប័ណ្ណចំនួន ១៥ សម្រាប់ការបូមខ្សាច់ទន្លេដែលមានសមត្ថភាពសរុបជាង ៤.២ លានម៉ែត្រគូប ។

លោក Nguyen បានបញ្ជាក់ថា “ឆ្នាំនេះខេត្តត្រូវការខ្សាច់ប្រហែល ១៦ លានម៉ែត្រគូបដែលតម្រូវការជាចម្បងគឺសម្រាប់ការងារសំណង់ក្នុងស្រុក ខណៈការផ្គត់ផ្គង់សរុបអាចលើសពី ៦ លានម៉ែត្រគូបប៉ុណ្ណោះ ។ ប៉ុន្តែមានន័យថា ខេត្តកំពុងប្រឈមនឹងការខ្វះខ្សាច់យ៉ាងធ្ងន់ធ្ងរនៅឆ្នាំនេះ” ។

ទន្ទឹមនឹងនោះ តម្រូវការខ្សាច់ក្នុងអំឡុងឆ្នាំ ២០២២ ដល់ឆ្នាំ ២០២៥ មានចំនួនជាង ៣៧ លានម៉ែត្រគូប ទាំងកម្រិតខ្សាច់ និងសំណង់ ។

បច្ចុប្បន្ននេះ ខេត្តជាច្រើននៅក្នុងតំបន់ដីសណ្ដទន្លេមេគង្គ រួមទាំងខេត្ត Long An និង Tien Giang បានបញ្ឈប់ ឬកាត់បន្ថយការបូមខ្សាច់ ដូច្នេះការផ្គត់ផ្គង់កម្រិតខ្សាច់គឺពឹងផ្អែកជាចម្បងលើខេត្ត Dong Thap និងមួយចំនួនទៀតដូចជា ខេត្ត An Giang និងខេត្ត Vinh Long ជាដើម ។

ទន្ទឹមនឹងនោះ មន្ទីរធនធានធម្មជាតិ និងបរិស្ថានខេត្ត An Giang បានរាយការណ៍ថា សហគ្រាសក្នុងស្រុកចំនួន ៧ បានទទួលអាជ្ញាប័ណ្ណធ្វើអាជីវកម្មខ្សាច់នៅក្នុងទីតាំងចំនួន ៨ ដែលមានទុនបម្រុងសរុបប្រមាណ ៥.៣ លានម៉ែត្រគូប តែវាបំពេញតែតម្រូវការក្នុងស្រុកប៉ុណ្ណោះ ។

គួរបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ទីតាំងជាច្រើនក្នុងតំបន់បានប្រឈមមុខនឹងការបូមខ្សាច់ខុសច្បាប់ដ៏ធំនៅតាមដងទន្លេមេគង្គ ដែលបណ្តាលឲ្យមានការបាក់ដីធ្ងន់ធ្ងរ និងបង្កការគំរាមកំហែងដល់ប្រជាពលរដ្ឋដែលរស់នៅតាមមាត់ទន្លេជាដើម ៕