ជីវិតកម្សាន្ដ

Seungri អតីតសមាជិកក្រុម Big Bang ត្រូវតុលាការបន្ថយទោស ពី ៣ ឆ្នាំ មកត្រឹម ១៨ ខែវិញ

បានផុស

៤ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

តុលាការយោធាជាន់ខ្ពស់ នៃក្រសួងការពារជាតិ បានបើកសវនាការលើបណ្តឹងសាទុក្ខ របស់តារាចម្រៀង Seungri ដោយធ្វើការជំនុំជម្រះបណ្ដឹងឧទ្ធរណ៍ ដោយបន្ធូរបន្ថយទោស ឲ្យជាប់ពន្ធនាគាររយៈពេល ១ ឆ្នាំ ៦ ខែវិញ ។ ខណៈការកាត់ក្ដីលើកដំបូង កាលពីឆ្នាំមុន ត្រូវជាប់ទោស ៣ ឆ្នាំ និងពិន័យជាប្រាក់ចំនួន ១.១៦ ពាន់លានវ៉ុន ( ៩៦៤,០០០ ដុល្លារអាមេរិក) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកាត់ទោសនេះ ហាក់ដូចជាធ្វើតាមការផ្លាស់ប្ដូរជំហររបស់ Seungri ។ ប៉ុន្តែនៅក្នុងការកាត់ក្តីលើកដំបូង Seungri បានបដិសេធការចោទប្រកាន់ចំនួន ៨ ក្នុងចំណោមការចោទប្រកាន់ចំនួន ៩ ដោយមិនរាប់បញ្ចូលការរំលោភលើច្បាប់ស្ដីពីប្រតិបត្តិការប្ដូរប្រាក់បរទេស តែលោកបានទទួលស្គាល់ ការចោទប្រកាន់ទាំងអស់នៅក្នុងសវនាការឧទ្ធរណ៍ គឺជាជាការពិត និងបង្ហាញពីវិប្បដិសារីរបស់ខ្លួនជាខ្លាំង។

គួរបញ្ជាក់ដែរថា កាលពីខែមករា ឆ្នាំ ២០២០ តារាចម្រៀងប្រចាំក្រុម Big Bang រូបនេះ ត្រូវបានចោទប្រកាន់ពីបទល្មើស សរុបចំនួន ៩ ផ្សេងគ្នា រួមមាន ពេស្យាចារ ការសម្រុះសម្រួលពេស្យាចារ កេងបន្លំ បំពានច្បាប់សុវត្ថិភាពចំណីអាហារ ល្បែងស៊ីសងជាទម្លាប់ និងបំពានច្បាប់ប្ដូរប្រាក់បរទេស។ ក្រោយមកនៅថ្ងៃទី ១២ ខែសីហា ឆ្នាំ ២០២១ លោកត្រូវបានកាត់ទោស ឲ្យជាប់ពន្ធនាគាររយៈពេល ៣ ឆ្នាំ និងពិន័យជាប្រាក់ ១.១៦ ពាន់លានវ៉ុន ( ៩៦៤,០០០ ដុល្លារអាមេរិក) ៕

ប្រែសម្រួល៖ សាង ស្រីល័ក្ខ

ប្រភព៖koreaboo

ចុចអាន៖តុលាការយោធា សម្រេចផ្ដន្ទាទោស Seungri អតីតសមាជិកក្រុម Big Bang ជាប់ពន្ធនាគារ ៣ ឆ្នាំ ក្នុងបទល្មើស ៩ ករណី