ជីវិតកម្សាន្ដ

ក្រុមហ៊ុនប្រេងកូឡា សៀង ភាវ (SIANG PURE) សញ្ញា តាប៉ិ បន្តចុះប្រគល់រង្វាន់ ២០ លានរៀល ដល់អតិថិជននៅសង្កាត់ក្រាំងធ្នង់

បានផុស

៤ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

បន្ទាប់ពីបានចុះប្រគល់រង្វាន់ធំនូវទឹកប្រាក់ ២០ លានរៀលដល់អតិថិជនដែលបានឈ្នះកាលពីពេលកន្លងទៅថ្មីៗនៅសង្កាត់ស្ទឹងមានជ័យ ខណ្ឌមានជ័យ ក្រុមហ៊ុនបានបន្តចុះប្រគល់រង្វាន់ធំដល់អតិថិជនម្នាក់ទៀត ដែលមានសំណាងឈ្នះរង្វាន់ ២០ លានរៀល រស់នៅក្នុងបុរីពិភពថ្មីឈូកវ៉ា ២ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតិថិជនដែលមានសំណាងបានឈ្នះរង្វាន់ពីប្រេងកូឡា សៀងភាវ (SIANG PURE) នូវទឹកប្រាក់ ២០ លានរៀលមានឈ្មោះ គឹម ធន ភេទស្រី អាយុ ៦៨ ឆ្នាំ ជាអតិថិជនគាំទ្រជាប្រចាំរបស់ប្រេងកូឡា សៀងភាវ សញ្ញារូបតាប៉ិ តែម្ដង។

អ្នកស្រី គឹម ធន បានមានប្រសាសន៍ប្រាប់ក្រុមការងារថា ជាច្រើនឆ្នាំមកហើយ អ្នកស្រីតែងជឿជាក់លើគុណភាពប្រេងកូឡា សៀងភាវ សញ្ញារូបតាប៉ិ ព្រោះមានប្រសិទ្ធភាពខ្ពស់ក្នុងការលាបបំបាត់អាការឈឺពោះ វិលមុខ តឹងច្រមុះ ឈឺក្បាល និងបំបាត់ការឈឺចាប់ពេលមានសត្វទិច ឬខាំ។ ដោយឡែក សម្រាប់ការត្រូវរង្វាន់នៅពេលនេះ គឺក្រោយពេលដែលអ្នកស្រីប្រើប្រេងកូឡាអស់ ហើយទៅទិញថ្មីមួយប្រអប់ទៀតនៅផ្សារឈូកវ៉ា ២ ដើម្បីលាបពោះចៅ (ចៅឈឺពោះ) ហើយនៅពេលកោសស្ទីកគ័រនៅលើប្រអប់ ស្រាប់តែឃើញមានរង្វាន់ ២០លានរៀលនៅនឹងសម្បកប្រអប់តែម្ដង។ ភ្លាមនោះ អ្នកស្រីពិតជាមានអារម្មណ៍រំភើប រីករាយ ហើយស្រែកហៅកូនស្រីឱ្យជួយពិនិត្យមើល និងទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅលើសម្បកប្រអប់តែម្ដង។

អ្នកស្រីបានបញ្ជាក់ទៀតថា ក្រោយពេលទទួលបានទឹកប្រាក់រង្វាន់ធំ ២០ លានរៀលពីក្រុមហ៊ុនប្រេងកូឡា សៀងភាវ (SIANG PURE) សញ្ញារូបតាប៉ិ អ្នកនឹងយកមួយចំនួនប្រើប្រាស់ចាំបាច់ផ្ទាល់ខ្លួន និងយកមួយចំនួនទៀតឱ្យទៅកូនសម្រាប់ផ្គត់ផ្គង់ជីវភាព។