ព័ត៌មានអន្ដរជាតិ

ស៊ុយអែត ថា ការចូលជាសមាជិក ណាតូ ជារឿងល្អបំផុត

បានផុស

២ years មុន

នៅ

ថ្ងៃចន្ទ ១៦ ឧសភា ២០២២

ដោយ

គណបក្សសង្គមប្រជាធិបតេយ្យដែលកំពុងកាន់អំណាចរបស់ប្រទេសស៊ុយអែតបានសម្រេចចិត្តកាលពីថ្ងៃអាទិត្យក្នុងការគាំទ្រផែនការរបស់ប្រទេសក្នុងការដាក់ពាក្យសុំចូលជាសមាជិកអង្គការណាតូ ខណៈកន្លងមកតែងតែបដិសេធមិនចូលប្លុកមួយនេះ ។

លោកស្រី Magdalena Andersson នាយករដ្ឋមន្ត្រីស៊ុយអែត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយករដ្ឋមន្ត្រីលោកស្រី Magdalena Andersson បាននិយាយទៅកាន់អ្នកសារព័ត៌មាន បន្ទាប់ពីការសម្រេចចិត្តនេះថា ការចូលជាសមាជិកណាតូនឹងជារឿងល្អបំផុតសម្រាប់សន្តិសុខស៊ុយអែត និងប្រជាជនស៊ុយអែត ។

លោកស្រី Andersson បញ្ជាក់ថា ផែនការនេះនឹងត្រូវលើកយកមកពិភាក្សានៅក្នុងសភានៅថ្ងៃចន្ទនេះ ហើយរដ្ឋាភិបាលនឹងធ្វើការប្រកាសនៅពេលក្រោយអំពីការសម្រេចចិត្តជាផ្លូវការ ។

ទន្តឹមនោះផែនការនេះក៏កើតឡើង បន្ទាប់ពីប្រទេសជិតខាងហ្វាំងឡង់បានប្រកាសជាផ្លូវការថានឹងដាក់ពាក្យសុំចូលជាសមាជិកអង្គការណាតូ ក្រោយឃើញសកម្មភាលុកលុយរបស់រុស្ស៊ីទៅលើអ៊ុយក្រែន ។

គួរបញ្ជាក់ថា រហូតមកដល់ពេលនេះការលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ចាត់ទុកជា “ប្រតិបតិ្តការយោធាពិសេស” បានអូសបន្លាយពេលជាង ២ ខែមកហើយ ចាប់តាំងពីសង្គ្រាមផ្ទុះឡើងកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក ថា ប្រទេសអឺរ៉ុប ២ នេះនឹងជាចំណែកបន្ថែមដ៏សំខាន់សម្រាប់ ណាតូ