លោក Zelensky បណ្តេញមេបញ្ជាការបម្រុងអ៊ុយក្រែនដោយគ្មានមូលហេតុ

ទីភ្នាក់ងារព័ត៌មាន Interfax បានរាយការណ៍ថា លោកប្រធានាធិបតី Volodymyr Zelensky បានបណ្តេញមេបញ្ជាការបម្រុងនៃកងកម្លាំងប្រដាប់អាវុធការពារដែនដីអ៊ុយក្រែនលោក Yurii Halushkin ចេញពីតំណែងដោយមិនបានប្រាប់ពីមូលហេតុឡើយ ។

បើយោងតាមឯកសារដែលបានចេញផ្សាយនៅលើគេហទំព័ររបស់ប្រធានាធិបតីបានឲ្យដឹងថា បន្ទាប់ពីការបណ្ដេញចេញលោក Halushkin ហើយ លោកប្រធានាធិបតីក៏បានតែងតាំងលោក Ihor Tantsiura ឲ្យកាន់តំណែងនេះជំនួសវិញ ។

លោក Halushkin ត្រូវបានតែងតាំងជាមេបញ្ជាការបម្រុងនៃកងកម្លាំងប្រដាប់អាវុធការពារដែនដីអ៊ុយក្រែន នៅថ្ងៃទី ១ ខែមករាឆ្នាំនេះ ខណៈដែលលោក Tantsiura ដែលតែងតាំងថ្មីធ្លាប់កាន់តំណែងជាមេបញ្ជាការរងនៃកងកម្លាំងជំនួយ (APU) ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ លោក Zelensky ថា អឺរ៉ុបនឹងលែងពឹងលើថាមពល រុស្ស៊ី ទៀតហើយ