ព័ត៌មានអន្ដរជាតិ
ប្រពន្ធដើមលោក Donald Trump ទទួលមរណភាពក្នុងវ័យ ៧៣ឆ្នាំ
លោកស្រី Ivana Trump ដែលជាប្រពន្ធដើមរបស់លោក Donald Trump បានទទួលមរណភាពក្នុងវ័យ៧៣ ឆ្នាំដោយគេជឿថា ដោយសារគាំងបេះដូង។
លោក Trump បានបង្ហោះនៅលើប្រព័ន្ធផ្សព្វផ្សាយសង្គម Truth Social ថា “នាងគឺជាស្ត្រីដ៏អស្ចារ្យ និងស្រស់ស្អាតម្នាក់ ដែលបានដឹកនាំជីវិតដ៏អស្ចារ្យ និងបំផុសគំនិត”។
ប្រភពបានប្រាប់ទីភ្នាក់ងារសារព័ត៌មានថា លោកស្រី Trump ត្រូវបានគេប្រទះឃើញស្លាប់នៅជិតជណ្តើរផ្ទះរបស់នាងក្នុងទីក្រុងញូវយ៉ក។
លោកស្រី Trump ដែលកើតនៅ ឆេកូស្លូវ៉ាគី បានរៀបការជាមួយអតីតប្រធានាធិបតី ក្នុងឆ្នាំ ១៩៧៧។ ពួកគេបានលែងលះគ្នានៅ ១៥ឆ្នាំក្រោយ ពោលគឺក្នុងឆ្នាំ ១៩៩២។
អ្នកទាំង២មានកូន៣នាក់គឺ Donald Jr, Ivanka និង Eric Trump។
Donald និង Ivana Trump គឺជាឥស្សរជនសាធារណៈ ទាក់ភ្នែកមហាជននៅក្នុងទីក្រុងញូវយ៉កអំឡុងទសវត្សរ៍ឆ្នាំ១៩៨០ ដល់ ១៩៩០ ហើយការបែកបាក់របស់ពួកគេ គឺជាប្រធានបទគួរឲ្យចាប់អារម្មណ៍យ៉ាងខ្លាំង។
បន្ទាប់ពីបែកគ្នា លោកស្រី Trump បានចេញលក់ផលិតផលថែរក្សាសម្ផស្ស សម្លៀកបំពាក់ និងគ្រឿងអលង្ការផ្ទាល់ខ្លួន។
នៅក្នុងសៀវភៅអនុស្សាវរីយ៍ Raising Trump ឆ្នាំ ២០១៧, លោកស្រីបានទទួលកិត្តិយសសម្រាប់ការចិញ្ចឹមបីបាច់កូន ដោយនិយាយថា លោកស្រីបានសម្រេចចិត្តអំពីការអប់រំ សកម្មភាព ការធ្វើដំណើរ ការថែទាំកុមារ និងប្រាក់ឧបត្ថម្ភដល់ពួកគេ រហូតដល់មហាវិទ្យាល័យ។
នៅក្នុងសៀវភៅនោះ លោកស្រីបន្ថែមថា ទំនាក់ទំនងរបស់ខ្លួនជាមួយលោក Trump បានប្រសើរឡើងចាប់តាំងពីការលែងលះគ្នា ហើយលោកស្រីបាននិយាយជាមួយលោក Trump ប្រហែលមួយដងក្នុងមួយសប្តាហ៍៕
ប្រែសម្រួល៖ Vann Vann
ប្រភព៖ BBC
ចុចអាន៖ Trump អួតក្តែងៗ៖ បើឡើងសង្វៀន នឹងផ្តួល Biden ឲ្យដួលងើបមិនរួច ត្រឹម២-៣វិនាទីដើមទឹក
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ