កីឡា

សុទ្ធតែគូគួរឲ្យចាប់អារម្មណ៍ពានសម្តេចតេជោវគ្គ៨ក្រុមចុងក្រោយ

បានផុស

៤ years មុន

នៅ

ថ្ងៃសុក្រ ១៩ សីហា ២០២២

ដោយ

ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ បានឈានដល់វគ្គ៨ក្រុមចុងក្រោយហើយ បន្ទាប់ពីការប្រកួតវគ្គ១៦ក្រុមចុងក្រោយជើងទី២បានបញ្ចប់ទៅក្នុងសប្តាហ៍នេះ។

ក្រុមអគ្គិសនីកម្ពុជា និងកោះកុង អេហ្វស៊ី ជាក្រុមពីរគត់មកពីលីគទី២ឈានឡើងដល់វគ្គ៨ក្រុមចុងក្រោយនៃពានរង្វាន់សម្តេចតេជោ ខណៈគិរីវង់សុខសែនជ័យ និងអង្គរថាយហ្គឺរជាក្រុមពីររបស់លីគកំពូលកម្ពុជាមិនបានឡើងវគ្គ៨ក្រុមចុងក្រោយ។ ចំណែក៦ក្រុមផ្សេងទៀតសុទ្ធតែជាក្រុមនៅលីគកំពូលកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈានដល់វគ្គ៨ក្រុមចុងក្រោយឃើញថា សុទ្ធតែជាក្រុមខ្លាំងៗ ហើយក្រុមនីមួយៗសំបូរកីឡាករមានបទពិសោធ និងល្អ ស្របពេលពានរង្វាន់នេះមិនអនុញ្ញាតឲ្យកីឡាករបរទេសចូលរួមប្រកួតទេពោលគឺកីឡាករខ្មែរសុទ្ធដើម្បីជួយជំរុញអភិវឌ្ឍកីឡាករក្នុងស្រុក។ ជាក់ស្តែង អគ្គិសនីកម្បុជាសំបូរកីឡាករវ័យក្មេង និងល្អគួរឲ្យចាប់អារម្មណ៍ ខណៈ កោះកុង អេហ្វស៊ី ថ្វីត្បិតថា ជាក្រុមមកពីខេត្ត និងលេងលីគទី២ ប៉ុន្តែសំបូរកីឡាករមានបទពិសោធច្រើន។

វគ្គ៨ក្រុមចុងក្រោយនេះ ការប្រកួតជើងទី១ ថ្ងៃទី២៤ ខែសីហា នៅពេល អគ្គិសនីកម្ពុជា ទទួល ព្រះខ័នរាជស្វាយរៀង នៅកីឡដ្ឋានអគ្គិសនីកម្ពុជា ខណៈ កងយោធពលខេមរភូមិន្ទ ស្វាគមន៍ វិសាខា នៅស្តាតចាស់ ហើយ ណាហ្គាវើលដ៍ ធ្វើដំណើរទៅជួប ភ្នំពេញក្រោន នៅកីឡដ្ឋាន ស្មាត អអេសអិន និងបឹងកេតត្រូវធ្វើដំណើរទៅសួរសុខទុក្ខ កោះកុង អេហ្វស៊ី នៅទីលានវិទ្យាល័យតេជោសែន កោះកុង។

ការប្រកួតជើងទី២ នឹងធ្វើនៅថ្ងៃទី៣១ ខែសីហា ដើម្បីរកឃើញក្រុមខ្លាំង៤ឡើងទៅវគ្គពាក់កណ្តាលផ្តាច់ព្រ័ត្រ។

កម្មវិធីប្រកួតវគ្គ៨ក្រុម ថ្ងៃទី២៤ ខែសីហា