អ្នកវិទ្យាសាស្រ្តព្រមាន៖ មេរោគថ្មីដ៏សាហាវ អាចក្លាយជាជំងឺរាតត្បាតបន្ទាប់

ក្រុមអ្នកវិទ្យាសាស្ត្រ កំពុងភ័យខ្លាចថា ពួកគេបានរកឃើញការគំរាមកំហែងផ្ទុះជំងឺរាតត្បាតដ៏ធំបន្ទាប់ ដែលនេះគឺជាមេរោគ រស់នៅក្នុងសត្វស្វាអាហ្វ្រិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេរោគគ្រុនឈាម Simian (SHFV) បណ្តាលឲ្យមានរោគសញ្ញាដូចជំងឺ Ebola រួមទាំងការហូរឈាមខាងក្នុងសព៌ាង្គកាយផងដែរ។

មេរោគនេះជ្រៀតចូលប្រព័ន្ធការពារ ធ្វើឲ្យប្រព័ន្ធការពារសំខាន់ៗលែងដំណើរការ និងបំបែកកោសិការាងកាយបន្តិចម្តងៗ។

ទោះបីជាយ៉ាងណាក៏ដោយ មិនទាន់មានករណីណាមួយត្រូវបានរកឃើញក្នុងខ្លួនមនុស្សនៅឡើយទេ ប៉ុន្តែបើយោងតាមអ្នកស្រាវជ្រាវអាមេរិកបានឲ្យដឹងថា​ មេរោគនេះអាចនឹងលេចធ្លាយហើយចម្លងចូលបាន។

អ្នកវិទ្យាសាស្រ្តនិយាយថា តាមរយៈការធ្វើតេស្ត និងតាមដានយ៉ាងយកចិត្តទុកដាក់ ឥឡូវនេះ មេរោគ SHFV អាចបង្កជាជំងឺរាតត្បាតមួយផ្សេងទៀត។

អ្នកជំនាញនៅសាកលវិទ្យាល័យ Colorado Boulder កំពុងមានក្តីព្រួយបារម្ភដោយសារតែភាពស្របគ្នារបស់មេរោគ SHFV ជាមួយមនុស្ស។

នៅក្នុងការសិក្សាមន្ទីរពិសោធន៍ ពួកគេបានរកឃើញថា មេរោគនេះអាចចម្លងទៅមនុស្សបានយ៉ាងងាយស្រួល និងបំប្លែងខ្លួនដោយខ្លួនឯង។

អ្នកនិពន្ធជាន់ខ្ពស់នៃការសិក្សា វេជ្ជបណ្ឌិត Sara Sawyer បាននិយាយថា “មេរោគសត្វនេះបានរកវិធីចូលទៅកោសិកាមនុស្ស ពង្រីកខ្លួន និងគេចផុតពីប្រព័ន្ធការពារសំខាន់ៗមួយចំនួនដែលយើងធ្លាប់តែរំពឹងថានឹងការពារយើងពីមេរោគសត្វ។ វាកម្រណាស់ យើងគួរតែយកចិត្តទុកដាក់ចំពោះរឿងនេះ”។

នៅក្នុងសត្វស្វាប្រភេទ Macaque មេរោគ SHFV បានបណ្តាលឲ្យក្តៅខ្លួន រក្សាសារធាតុរាវនៅក្នុងជាលិកានៃរាងកាយ មិនឃ្លានអាហារ និងហូរឈាម។ មេរោគនេះ ភាគច្រើនបណ្តាលឲ្យសត្វដែលឆ្លង ស្លាប់ក្នុងរយៈពេលប្រហែលពីរសប្តាហ៍៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អង់គ្លេស រកឃើញអ្នកឆ្លងមេរោគបណ្តាលឲ្យហូរឈាមតាមប្រដាប់ភេទស្រដៀង អេបូឡា