កីឡា
លោក Honda និយាយបែបណាខ្លះពីជម្រើសជាតិរបស់ខ្លួន ក្រោយយកឈ្នះអាល្លឺម៉ង់ យប់មិញ?
ក្រុមជម្រើសជាតិជប៉ុន បានយកឈ្នះ ជម្រើសជាតិអាល្លឺម៉ង់ ជាមួយការវាយបកដ៏គួរឲ្យភ្ញាក់ផ្អើល ក្នុងជំនួបបើកឆាកពូល E នៃព្រឹត្តិការណ៍បាល់ទាត់ពិភពលោក (FIFA World Cup 2022) កាលពីយប់មិញ។
នៅវគ្គទី ១ ក្រុមអាល្លឺម៉ង់ បាននាំមុខ ១-០ ដោយសារគ្រាប់បាល់ពិន័យ ១១ ម៉ែត្រ របស់ Gundogan។ ក្រុមជប៉ុន គ្រាន់តែដឹងពីរបៀបការពារក្នុងបរិបទដែលសិស្សរបស់គ្រូបង្វឹក Hansi Flick គ្រប់គ្រងបាល់ក្នុង ៤៥ នាទីដំបូង។ ប៉ុន្តែនៅតង់ទី ២ កីឡាករប្ដូរចូលទាំងពីរ Ritsu Doan និង Asano Takuma បានស៊ុតបញ្ចូលទីម្នាក់ ១ គ្រាប់ ដើម្បីជួយក្រុម ដាវសាម៉ូរៃ យកឈ្នះមិនគួរឲ្យជឿ។
ជាមួយនឹងជ័យជម្នះនេះ អតីតកីឡាករជម្រើសជាតិជប៉ុន លោក Keisuke Honda ដែលបច្ចុប្បន្នមានតួនាទីជាអ្នកចាត់ការទូទៅក្រុមជម្រើសជាតិកម្ពុជា បាននិយាយពីក្រុមរបស់ខ្លួនផងដែរ ក្នុងនាមជាអ្នកអត្ថាធិប្បាយនៅលើប៉ុស្តិ៍ទូរទស្សន៍ជប៉ុន Abema TV។
លោក Honda បាននិយាយថា «នេះពិតជាអស្ចារ្យណាស់។ កីឡាករជប៉ុនធ្វើបានល្អណាស់។ តាមទស្សនៈរបស់កីឡាករ ការទទួលជ័យជម្នះសម្រាប់ជប៉ុននេះគឺជាការបោះជំហានទៅមុខជាប្រវត្តិសាស្ត្រ។ លទ្ធផលគឺហួសពីការស្មានរបស់ខ្ញុំ។ នេះជាជ័យជម្នះដ៏ធំមួយ ប៉ុន្តែជប៉ុនត្រូវការឈ្នះមួយប្រកួតទៀត។ ប្រសិនបើមានជ័យជម្នះមួយទៀត ក្រុមជប៉ុនប្រាកដជាកក់សំបុត្រដើម្បីទៅវគ្គបន្ត»។
អតីតកីឡាករជប៉ុនរូបនេះបាននិយាយថា កូនសិស្សរបស់គ្រូបង្វឹក Hajime Moriyasu ត្រូវតែផ្តោតលើការប្រកួតបន្ទាប់ ៖ «កីឡាករត្រូវស្ងប់ស្ងាត់ ខ្ញុំមិនចង់ឲ្យកីឡាករជប៉ុនចូលប្រកួតបន្ទាប់ដោយរំភើបខ្លាំងនោះទេ។ ទទួលបានជ័យជម្នះដោយសារភាពក្លាហានរបស់យើង ប៉ុន្តែក្រុមជប៉ុននៅមានរឿងមួយចំនួនដែលត្រូវយកឈ្នះ»។
Keisuke Honda (អាយុ ៣៧ ឆ្នាំ) ធ្លាប់លេងឲ្យជម្រើសជាតិជប៉ុនពីឆ្នាំ ២០០៨ ដល់ ២០១៨។ លោកបានស៊ុតបញ្ចូលទី ៣៧ គ្រាប់ ក្នុងការបង្ហាញខ្លួន ៩៨ លើក សម្រាប់ប្រទេស៕
ប្រភព ៖ tokyo-sports.co.jp
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ