ផលិតកម្ម BIG HIT Music ប្រកាស​ស្នើ​ឱ្យ​អ្នក​គាំទ្រ និង​ប្រព័ន្ធ​ផ្សព្វផ្សាយ ​កុំ​មក​កន្លែង​ចុះឈ្មោះ រ​បស់ Jin

ផលិតកម្ម BIG HIT Music បានបញ្ជាក់ជាថ្មីម្តងទៀតថា នឹងមិនមានព្រឹត្តិការណ៍ដាច់ដោយឡែកណាមួយទាក់ទងនឹងការចុះឈ្មោះ Jin សមាជិក BTS ឡើយ ហើយបានស្នើសុំអ្នកគាំទ្រ និងប្រព័ន្ធផ្សព្វផ្សាយកុំ​មក​កន្លែង​ចុះឈ្មោះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១២ ខែធ្នូ ខាងផលិកម្មBIG HIT Music បានប្រកាសនៅក្នុងសេចក្តីថ្លែងការណ៍ ផ្លូវការរបស់ពួកគេថា “Jin នឹងចូលបម្រើកងទ័ពជាទាហានសកម្មដើម្បីបំពេញកាតព្វកិច្ចយោធារបស់គាត់។ ដូចដែលបានប្រកាសរួចហើយ នឹងមិនមានព្រឹត្តិការណ៍ផ្លូវការដាច់ដោយឡែកនៅថ្ងៃដែលគាត់ចូលជំរុំទេ។”

ទីតាំងនេះត្រូវបានគេរំពឹងថានឹងមានមនុស្សច្រើនកុះករ ដោយសារតែទាហានដែលបានចូលបម្រើការងារ និងក្រុមគ្រួសាររបស់ពួកគេ និងអ្នកគាំទ្រមួយចំនួន។ អាស្រ័យហេតុនេះ យើងខ្ញុំសូមសំណូមពរដល់អ្នកសារព័ត៌មាន ក៏ដូចជាអ្នកគាំទ្រជៀសវាងការចូលរួមនៅកន្លែង​ចុះឈ្មោះ។

ដើម្បីការពារគ្រោះថ្នាក់ដោយសុវត្ថិភាពដោយសារការកកស្ទះនៅកន្លែងនោះ Jin នឹងចូលទៅក្នុងកន្លែងហ្វឹកហាត់នៅដោយជំនិះ និងមិនមានការស្វាគមន៍ដាច់ដោយឡែកពីអ្នកសារព័ត៌មាន ឬអ្នកគាំទ្រឡើយ។ ជាចុងក្រោយ BIG HIT Music បាននិយាយថា “យើងនឹងបន្តផ្តល់ការគាំទ្រ និងការខិតខំប្រឹងប្រែង រហូតដល់ថ្ងៃ Jin បំពេញកាតព្វកិច្ចយោធារបស់គាត់ ហើយត្រលប់មកមានសុខភាពល្អវិញ”។

ដូចដែលបានរាយការណ៍ពីមុន Jin សមាជិក BTS នឹងចូលបម្រើយោធាជាផ្លូវការនៅថ្ងៃទី ១៣ ខែធ្នូ (ថ្ងៃស្អែក) ហើយចូលរួមកងពលថ្មើរជើងទី ៥ នៅខេត្ត Gyeonggi ។ បន្ទាប់មក Jin នឹងត្រូវបានហ្វឹក ហាត់នៅជំរុំចាប់ផ្ដើមរយៈពេល ៥ សប្តាហ៍ មុនពេលត្រូវបានគេចាត់ឱ្យទៅមូលដ្ឋានយោធា។

ប្រែសម្រួល៖នាងតូច

ចុចអាន៖រូបភាពកាត់សក់របស់ Jin មុនចូលបម្រើយោធា កំពុងកក្រើកប្រព័ន្ធផ្សព្វផ្សាយ