កីឡា
ព្រុយណេ ហាលអាវមុនគេ ខណៈ ៣ ថ្ងៃទៀត ជួប កម្ពុជា ក្នុងពាន AFF Cup 2022
ក្រុមជម្រើសជាតិព្រុយណេ បានអស់ឱកាសឡើងទៅវគ្គពាក់កណ្ដាលផ្ដាច់ព្រ័ត្រជាផ្លូវការហើយ ត្រឹមថ្ងៃទី ២៦ ខែធ្នូ ឆ្នាំ ២០២២ ដែលត្រូវនឹងប្រកួតទី ៣ ប្រចាំពូល A ក្រោយបន្តចាញ់ក្រុមជម្រើសជាតិឥណ្ឌូណេស៊ី ០-៧។
ជាការប្រកួតដែលគ្រប់គ្នាគិតថា ឥណ្ឌូណេស៊ី មានប្រៀបនោះពិតជាមិនខុសឡើយ ដោយត្រឹមតែវគ្គទី ២ ឥណ្ឌូណេស៊ី បានស៊ុតចូល ២ គ្រាប់ នៅនាទី ២០ និងនាទី ៤១។ វគ្គទី ២ គ្រាប់បាល់ដល់ទៅ ៥ គ្រាប់ បានកើតឡើងបន្ថែមទៀត នៅនាទី ៥៩, ៦០, ៦៨, ៨៦ និង ៩០+២ ដែលជាជ័យជម្នះមានគ្រាប់បាល់ច្រើនគ្រាប់ក្នុងព្រឹត្តិការណ៍ដ៏ធំប្រចាំតំបន់ សម្រាប់ឆ្នាំ ២០២២ នេះ។
បរាជ័យរបស់ព្រុយណេ គឺជាបរាជ័យលើកទី ៣ នៅក្នុងពូល ដែលមានន័យថាអស់ឱកាសឡើងទៅវគ្គពាក់កណ្ដាលផ្ដាច់ព្រ័ត្រជាផ្លូវការហើយ ដ្បិតនៅសល់ការប្រកួតតែ ១ ប្រកួតប៉ុណ្ណោះ សម្រាប់ខ្លួនឯង គ្រាដែលក្រុមលេខ ២ ឥណ្ឌូណេស៊ី នាំមុខដាច់ដល់ទៅ ៦ ពិន្ទុ និងនៅសល់ ២ ប្រកួតក្នុងដៃ រួមទាំងមានគ្រាប់បាល់ចំណេញដល់ទៅ ៨ គ្រាប់ ខណៈព្រុយណេ របូតគ្រាប់បាល់ដល់ទី ១៦ គ្រាប់។
ដូច្នេះបានសេចក្ដីថា ប្រកួតចុងក្រោយរបស់ព្រុយណេ ដែលត្រូវជួប កម្ពុជា នឹងត្រូវក្លាយជាប្រកួតបង្គ្រប់កិច្ច ឬដើម្បីយកលទ្ធផលល្អសម្រាប់ខ្លួនឯង ដែលជាហេតុនាំឲ្យ កម្ពុជា ហាក់មានគុណសម្បត្តិច្រើនជាង និងស្របពេលដែល កម្ពុជា ត្រូវការឈ្នះ ក៏ដូចជាគ្រាប់បាល់ច្រើនគ្រាប់ជាចាំបាច់ផងដែរ។
បញ្ជាក់ថា ការប្រកួតរវាង ព្រុយណេ ជាមួយ កម្ពុជា នឹងត្រូវធ្វើឡើងនៅថ្ងៃទី ២៩ ខែធ្នូ ឆ្នាំ ២០២២ នាពហុកីឡដ្ឋានជាតិមរតកតេជោ រាជធានីភ្នំពេញ ខណៈប្រកួតនេះ នឹងមានផ្សាយផ្ទាល់តាមរយៈកញ្ចក់ទូរទស្សន៍ BTV News៕
អត្ថបទ ៖ មន្នីរ័ត្ន
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ