Messi ផ្ដួល​ Ronaldo ក្លាយជាកីឡាកររកចំណូលបានច្រើនជាងគេពីការផ្សាយពាណិជ្ជកម្ម

ចាប់តាំងពីគ្រងតំណែងជាម្ចាស់ជើងឯក World Cup ឆ្នាំ២០២២ តារាបាល់ទាត់ Lionel Messi បានផ្ដួល Cristiano Ronaldo ក្លាយជាកីឡាកររកចំណូលបានច្រើនជាងគេពីការផ្សាយពាណិជ្ជកម្ម ជាពិសេសចំណូលនៅលើបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបានគ្រងតំណែងជើងឯកជាផ្លូវការ ក្លាយជាម្ចាស់ជើងឯក World Cup 2022 រាល់សកម្មភាពរបស់ Lionel Messi ទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រពិភពលោក។ ជាពិសេស បើនិយាយពីសកម្មភាពក្នុងបណ្តាញសង្គម គេសង្កេតឃើញថា កំពូលប្រយុទ្ធរូបនេះ ហាក់បង្ហោះរូបញឹកញាប់នៅលើផេកផ្ទាល់ខ្លួន តាំងពី World Cup 2022 បានបញ្ចប់មក។

តាំងពីពេលនោះ រូប​ថតអបអរ​ពាន​មាស​របស់ Messi បាន​ក្លាយ​ជា​រូបថត​ដែល​មាន​អ្នក​ចូល​ចិត្ត​ច្រើន​បំផុត​ក្នុង​ប្រវត្តិសាស្ត្រ Instagram។ ក្នុងរយៈពេលខ្លីប៉ុណ្ណោះ រូបថតនេះបានបង្កើតកំណត់ត្រាមិនធ្លាប់មានពីមុនមក ដោយវាបានផ្តួលរូបថតស៊ុត ដែលមានគេចុច Like ច្រើនជាងគេ កាលពីឆ្នាំ២០១៩ ។

មុនពេលចូលរួមព្រឹត្តិការណ៍ World Cup ឥទ្ធិពលរបស់ Messi នៅឈរលំដាប់ទី២ បន្ទាប់ពីតារាបាល់ទាត់ Cristiano Ronaldo ។ ប៉ុន្តែចាប់តាំងពីត្រឡប់មកពី World Cup វិញជាមួយនឹងតំណែងការពារជើងឯក Messi បានធ្វើឱ្យឥទ្ធិពលរបស់ខ្លួនកាន់តែរីករាលដាលនៅជុំវិញពិភពលោក ខណៈអ្នកតាមដាននៅលើ ​Instagram បាន​កើនជាង ២០លាននាក់ ពោលគឺពី ៣៩០លាននាក់ ទៅ​ជាង ៤១៤លាន​នាក់។

យោងតាមសារព័ត៌មាន Daily Mail បច្ចុប្បន្នការផ្សាយពាណិជ្ជកម្មម្ដងនៅលើផេករបស់ Messi អាចជួយលោករកចំណូលបានប្រហែល ១.៥លានផោន (ប្រហែលជាង ១.៨លានដុល្លារ ) ក្នុងមួយ Post។ ក្នុងនាមជាជើងឯក កាសែត The Sun បានបញ្ជាក់ថា តារាវ័យ ៣៥ឆ្នាំរូបនេះ បានកើនចំណូលខ្ពស់ បើធៀបនឹងពេលមុន។ ត្រឹមពេលដ៏ខ្លី មិនដល់មួយខែស្រួលបួលផង Messi អាចរកចំណូលតាមរយៈការផ្សាយពាណិជ្ជកម្ម សរុបជាង ៩លានផោន (ប្រហែលជាង ១០លានដុល្លារ) ឯណោះ៕

ប្រែសម្រួល៖ សន្យា

ចុចអាន៖ ​Messi ចាយប្រាក់ជាង ២៥០លានដុល្លារ ទិញរបស់ ៣ប្រភេទ ធ្វើជាកម្មសិទ្ធផ្ដាច់មុខ

ចុចអាន៖ គាំទ្រ Messi និង Ronaldo យូរហើយ! ចុះមានស្គាល់ឈ្មោះពិតរបស់ Idol ទាំង២ទេ?