ជីវិតកម្សាន្ដ

អ៉ីវ៉ា ស្តាយគំនិតដែលរាប់អាននិងទុកចិត្តមនុស្សខុស

បានផុស

៥ years មុន

នៅ

ថ្ងៃចន្ទ ១១ មករា ២០២១

ដោយ

តារាចម្រៀងស្រីមានដើមកំណើតមកពីទឹកដីខេត្តកំពង់ស្ពឺ កញ្ញា អ៉ីវ៉ា សុខៗសម្រាប់តែទម្លាយប្រាប់ពីអារម្មណ៍ផ្ទាល់ខ្លួន ខណៈដែលរាល់ការរាប់អាននិងភាពស្មោះត្រង់របស់នាងបែរជាទុកចិត្តលើមនុស្សខុសផ្ទុយពីការគិតកន្លង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា អ៉ីវ៉ា បានបង្ហាញនូវអារម្មណ៍ហួសចិត្តថាមានបុគ្គលខ្លះ ពេលរាប់អានគ្នាដំបូងពិតជាសម្តែងបានល្អណាស់ទាំងការនិយាយនិងអត្តចរិត ព្រោះគេគិតថា នាងបានផ្តល់ផលប្រយោជន៍ច្រើនសម្រាប់គេ ប៉ុន្តែពេលសម្រេចគោលដៅបែរជាបោះបង់ខ្លួនចោលវិញ មិនខុសពីពាក្យចាស់ពោលថា ពេលដល់ត្រើយហើយសើយគូទនោះទេ។

តារាស្រី អ៉ីវ៉ា បានរៀបរាប់ថា គិតទៅមនុស្សអើយមនុស្សដូចអ្នកសាហាវណាស់សុខៗunfriendខ្ញុំចោលបាត់ចង់addមកក៏add ចង់unក៏unហ្មងពេលខ្ញុំធ្វើការងារឲ្យបានប្រយោជន៍ជេៗ អូនៗ ឡើងផ្អែម។ ដល់អញ្ចឹងហួសចិត្តណាស់លោកអើយស្ដាយទឹកចិត្ត ដែលរាប់អានស្រលាញ់អ្នកកន្លងមកអត់នឹកឃើញពេលខ្ញុំមានប្រយោជន៍ហើយអ្នកចំណេញរាប់ម៉ឺនដុល្លារទេ ? ហេតុអ្វីក៏អ្នកចេញធាតុពិតឲ្យខ្ញុំមើលឃើញបែបនេះ?។ អ៉ីវ៉ា បានបន្តទៀតថា ដូចរឿងខ្ញុំផុសថ្ងៃមុនមិនឲ្យបន្តក្នុងការយករូបភាពខ្ញុំផ្សព្វផ្សាយផលិតផលអ្នកបន្ត ព្រោះយើងបានចប់កិច្ចសន្យាជាមួយគ្នាហើយមួយទៀតខ្ញុំក៏បានធ្វើការឲ្យក្រុមហ៊ុនថ្មីដែរ សំខាន់ខ្ញុំក៏បានប្រាប់អ្នកពីរឿងនេះរួចហើយដែរ ហេតុអ្វីអ្នកត្រូវមកខឹងខ្ញុំ? នឹកឃើញពីដំបូង ដែលមករកខ្ញុំផង! ហេតុអ្វីក៏មិនទុកមុខរាប់គ្នាទៅ? បើអ្នកសម្រេចចិត្តធ្វើបែបនេះ ដាក់ខ្ញុំហើយ ក៏តាមដំណើរចុះ។ ចាត់ទុកថាយើងមិនធ្លាប់ស្គាល់គ្នាពីមុនមកចុះ។

កញ្ញា អ៉ីវ៉ា បើទោះបីជាមានការសួរនាំជាច្រើនពីសំណាក់មហាជនជុំវិញរឿងរ៉ាវនេះ ក៏ពិតមែនប៉ុន្តែគិតមកដល់ពេលនេះ នាងនៅមិនបញ្ជាក់ច្បាស់ចំពោះអត្តសញ្ញាណបុគ្គលខាងលើនៅឡើយទេ។ ខណ:កម្ពុជាថ្មីនៅព្រឹកថ្ងៃទី១១ ខែមករា ឆ្នាំ២០២១ មិនអាចទាក់ទងសូមការបកស្រាយពីនាងបានទេ៕

អត្ថបទ៖ ចាន់រ៉ា

សូមចុចអាន៖ អបអរសាទរ! ទីបំផុតសាយ បានបញ្ចប់បេសកកម្មរត់ជុំវិញប្រទេសកម្ពុជា ដើម្បីជួយកុមារ