មនុស្សស្លាប់កើនដល់ជាង១៦០នាក់ ដោយសារអាកាសធាតុត្រជាក់នៅ អាហ្វហ្គានីស្ថាន

មនុស្សជាង១៦០នាក់បានស្លាប់ ដោយសារភាពត្រជាក់ខ្លាំង នៅអាហ្វហ្គានីស្ថានក្នុងខែនេះ ខណៈប្រទេសកំពុងរងគ្រោះដោយរដូវរងាដ៏អាក្រក់បំផុត ក្នុងរយៈពេលជាងមួយទសវត្សរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋនិយាយថា ពួកគេមិនមានលទ្ធភាពទិញប្រេងឥន្ធនៈ ដើម្បីយកទៅកម្តៅក្នុងផ្ទះឡើយ ចំពេលសីតុណ្ហភាពចុះត្រជាក់ខ្លាំង។

នៅក្នុងវាលព្រិលនៅភាគខាងលិចនៃរដ្ឋធានីកាប៊ុល ក្មេងៗបានដើរលុកតាមគំនរសំរាម ដោយស្វែងរកប្លាស្ទិកសម្រាប់យកទៅដុត ដើម្បីជួយគ្រួសាររបស់ពួកគេ ដោយសារតែមិនមានលទ្ធភាពទិញឧស ឬធ្យូងថ្ម។

លោក Shafiullah Rahimi អ្នកនាំពាក្យរដ្ឋមន្ត្រីគ្រប់គ្រងគ្រោះមហន្តរាយ បាននិយាយថា “មនុស្សចំនួន១៦២នាក់បានស្លាប់ ដោយសារអាកាសធាតុត្រជាក់ចាប់តាំងពីថ្ងៃទី១០ខែមករារហូតមកដល់ពេលនេះ។ ប្រហែល ៨៤នៃការស្លាប់ទាំងអស់គឺបានកើតឡើងនៅសប្តាហ៍មុន”។

គួរបញ្ជាក់ថា រដូវរងាត្រជាក់បំផុតក្នុងរយៈពេល១៥ឆ្នាំ បានធ្វើឲ្យសីតុណ្ហភាពធ្លាក់ចុះដល់ ដក៣៤អង្សាសេ ហើយបានវាយប្រហារអាហ្វហ្គានីស្ថាន ចំប្រទេសនេះ កំពុងជួបប្រទះវិបត្តិសេដ្ឋកិច្ចធ្ងន់ធ្ងរ៕

ប្រែសម្រួល៖ Vann Vann

ប្រភព៖ Reuters

ចុចអាន៖ អាកាសធាតុត្រជាក់ខ្លាំង សម្លាប់ប្រជាជនអាហ្វហ្គានីស្ថាន ជាង១០០នាក់