ជីវិតកម្សាន្ដ

Matthew ជាតារាថៃតែមួយគត់ ឈ្នះពានរង្វាន់លំដាប់ពិភពលោក

បានផុស

២ years មុន

នៅ

ថ្ងៃចន្ទ ៦ កុម្ភៈ ២០២៣

ដោយ

ពិធីករដែលមានទេពកោសល្យខ្ពស់ក្នុងវិស័យសិល្បៈថៃ Matthew Dean និងជាអ្នកសម្របសម្រួលការប្រកួតលើឆាក Miss Grand International បានក្លាយជានិន្នាការដ៏ធំនាពេលថ្មីៗនេះ ក្រោយលោកបានឈ្នះពានរង្វាន់អ្នកធ្វើបទបង្ហាញឆ្នើមលំដាប់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ អ្នកគាំទ្រជាច្រើនបានសម្រុកចូលមកអបអរសាទរដល់តារាសម្ដែង Matthew នៅពេលដែល Global Beauties ដែលជាស្ថាប័នត្រួតពិនិត្យសម្រស់ឈានមុខគេរបស់ពិភពលោកបានប្រកាសថា លោកបានឈ្នះពានរង្វាន់អ្នកធ្វើបទបង្ហាញឆ្នើម ដែលបង្ហាញពីទេពកោសល្យកាន់តែខ្លាំង ខណៈចំណាត់ថ្នាក់លេខ២ បានទៅលើ Jeannie Mai និង Olivia Culpo ពិធីករនៅលើឆាក Miss universe ហើយចំណាត់ថ្នាក់លេខ៣ បានទៅលើ Anita Nneka-Jones និង martin fitch ជាអ្នករៀបចំកម្មវិធី Miss Supranational។

Matthew Deane មិនត្រឹមជាតារាសម្ដែង ម៉ូដែល និងច្រៀងនោះទេ លោកក៏ជាពិធីករឆ្នើមក្នុងកម្មវិអី Miss Grand International ប្រចាំប្រទេសថៃផងដែរ។ លើសពីនេះ ពិធីករទូរទស្សន៍រូបនេះ មានឱកាសក្ដោបបានតំណែងជាពិធីករកម្មវិធីលំដាប់អន្តរជាតិ Miss Grand International ដល់ទៅ៣ឆ្នាំជាប់គ្នា ដែលអំឡុងពេលបំពេញតួនាទីលោកទទួលបានការគាំទ្រយ៉ាងច្រើនពីទស្សនិកជន ព្រមទាំងការស្រឡាញ់ចូលចិត្តពីបេក្ខភាពបវរកញ្ញាគ្រប់ជំនាន់ផងដែរ៕