កីឡា

កីឡាការ៉ាតេ ទទួលបានប្រាក់រង្វាន់២៨៦លានរៀលពីរាជរដ្ឋាភិបាលសម្រាប់ការឈ្នះមេដាយអន្តរជាតិ

បានផុស

២ years មុន

នៅ

ថ្ងៃសុក្រ ១០ កុម្ភៈ ២០២៣

ដោយ

ក្រុមអត្តពលិកកីឡាការ៉ាតេកម្ពុជា បានទទួលប្រាក់រង្វាន់លើកទឹកចិត្តពីរាជរដ្ឋាភិបាលកម្ពុជាចំនួន ២៨៦លានរៀល បន្ទាប់ពីបានឈ្នះមេដាយក្នុងការប្រកួតព្រឹត្តិការណ៍អន្តរជាតិចំនួន២ផ្សេងគ្នា។ ទី១ ការប្រកួតកីឡាការ៉ាតេជើងឯកអាស៊ី ឆ្នាំ២០២១ នៅប្រទេសកាហ្សាក់ស្ថាន និងការប្រកួតកីឡាការ៉ាតេឯកអាស៊ាន ឆ្នាំ២០២២ នៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីប្រគល់ប្រាក់រង្វាន់របស់រាជរដ្ឋាភិបាលនេះនៅព្រឹកថ្ងៃទី១០ ខែកុម្ភៈនេះ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC)។ ការប្រកួតជើងឯកអាស៊ី ឆ្នាំ២០២១ នៅទីក្រុងអាល់ម៉ានី ក្រុមកីឡាការ៉ាតេកម្ពុជា ដណ្ដើមបានមេដាយសំរឹទ្ធ ២គ្រឿង ដោយកីឡាការិនី លឹម សុខវិច្ឆិកា និង ឆន ស្រីភា ដែលទាំងពីរនាក់នេះទទួលបានម្នាក់១៦លានរៀល ខណៈ គ្រូបង្វឹកទទួល ១៦លានរៀល ស្មើនឹងម្ចាស់មេដាយដែរ ហើយគ្រូ គ្រូជំនួយ ៣រូប ម្នាក់ៗទទួល ១១លាន និង ២សែនរៀល។

ដោយឡែកការប្រកួតជើងឯកអាស៊ាន ឆ្នាំ២០២២ នៅកម្ពុជា ក្រុមកីឡាការ៉ាតេកម្ពុជា ដណ្ដើមបានមេដាយសរុប៧គ្រឿងគឺ មាស១, ប្រាក់១ និងសំរឹទ្ធ៥។ មេដាយមាស ទទួលបាន ១២លានរៀល, មេដាយប្រាក់ ១០លានរៀល និងសំរឹទ្ធ ៨លានរៀល។ គ្រូបង្វឹក ទទួលបាន១២លានរៀល ស្មើនឹងម្ចាស់មេដាយមាស និងគ្រូជំនួយ(៦រូប) ទទួលបាន ៧០%៕

អត្ថបទ៖ វីរបុត្រ