Jisoo កំពុងសំងំផលិតអាល់ប៊ុមទោល ចាយទុនមិនចេះតិចលានដុល្លារ

យោងតាមប្រភពពីផលិតកម្ម YG Entertainment​ បានប្រកាសនៅថ្ងៃទី ២១ ខែកុម្ភៈនេះថា “វីដេអូចម្រៀងទោល​របស់ Jisoo កំពុង​ថតនៅក្នុង​ទីតាំង​សម្ងាត់​នៅ​បរទេស។ អ្នក​អាច​ទន្ទឹង​រង់ចាំ​វា ព្រោះ​យើង​បាន​វិនិយោគ​តម្លៃ​ផលិត​ធំ​បំផុត​ក្នុង​ចំណោម​វីដេអូ BLACKPINK” ។

ទោះយ៉ាងណានេះសបញ្ចាក់ថា Jisoo បាន​ខិត​ខំ​ធ្វើ​ការ​ដើម្បី​រក្សា​ការ​សន្យា​ដែល​នាង​បាន​ធ្វើ​ចំពោះ BLINKទូទាំងពិភពលោក។ ដូច្នេះដំណើរការទាំងមូលគឺរលូន​និង​រហ័សមិនខាន។ ថ្វីត្បិតតែ Jisoo មានភាពមមាញឹកខ្លាំង​ជាមួយ​នឹង​ដំណើរ​ប្រគំតន្ត្រី​ក៏ដោយ តែបានដាក់ថាមពល និងកម្លាំងកាយចិត្ត​សឹង​ទាំងអស់របស់នាង​ ក្នុងការធ្វើឲ្យ​អាល់ប៊ុមនេះល្អឥតខ្ចោះ​បំផុតផងដែរ។

បន្ថែមពីនេះ YG គ្រោងនឹងថតវីដេអូចម្រៀងនៅកន្លែងផ្សេងៗគ្នា ជុំវិញពិភពលោក​ដើម្បី​បង្កើន​ភាព​ទាក់ទាញ​របស់ Jisoo ដែល​នឹង​ចាប់​កំណើត​ជាសិល្បករទោលតាម​រយៈបទចម្រៀងមួយ​នេះ។

សូមបញ្ចាក់ដែរថា BLACKPINK តែងបំបែកកំណត់ត្រានៅគ្រប់អាល់ប៊ុមថ្មី​ ខណៈពួកគេដែលជាសមាជិកនីមួយៗចេញបទចម្រៀងទោល គឺទទួលបានការគាទ្រខ្ពស់មិនធម្មតា។ ទន្ទឹមនឹងនេះ BLACKPINK កំពុងរៀបចំកម្មវិធីប្រគំតន្ត្រីទេសចរណ៍ពិភពលោកដ៏ធំបំផុតរបស់ K-Pop Girl Group ‘BLACKPINK WORLD TOUR (BORN PINK)’ ដែលបានទាក់ទាញមនុស្សប្រមាណ ១.៥លាននាក់ឯណោះ៕

ប្រែសម្រួល៖ សាង ស្រីល័ក្ខ

ចុចអាន៖រយៈពេល ៥ ឆ្នាំ Jennie ប្រែក្លាយទៅជាម៉ូដែលតំណាងម៉ូដប្រេន Chanel Jennie សមាជិក