ព័ត៌មានជាតិ

ខេត្តក្រចេះនឹងក្លាយជាខេត្តគ្មានមីននៅចុងឆ្នាំ ២០២៣

បានផុស

៣ years មុន

នៅ

ថ្ងៃសុក្រ ២៤ កុម្ភៈ ២០២៣

ដោយ

នាព្រឹកថ្ងៃទី២៤ ខែកុម្ភៈ ២០២៣ លោក លី ធុជ អនុប្រធានទី១អាជ្ញាធរមីន បានដឹកក្រុមការងារប្រារព្ធទិវាជាតិយល់ដឹងអំពីមីន ២៤ កុម្ភៈ លើកទី២៤ ក្រោមប្រធានបទ “យើងរួមគ្នាដើម្បីសហគមន៍គ្មានគ្រោះថ្នាក់ដោយសារមីន និងគ្រាប់មិនទាន់ផ្ទុះ” នៅក្នុងបរិវេនវិមាន២ធ្នូ ស្រុកស្នួល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាលនោះ លោក លី ធុជ បានលើកឡើងថា ថ្ងៃទី២៤ កុម្ភៈ គឺជាថ្ងៃដែលប្រជាជនកម្ពុជា ជួបជុំគ្នាដេីម្បីសម្ដែងការសោកស្ដាយ និងក្រៀមក្រំចំពោះការបាត់បង់ជីវិត ពិការភាព និងបែកបាក់គ្រួសារ ដោយសារមីននិងសំណល់ជាតិផ្ទុះពីសង្រ្គាម។

លោកបន្តថា ការបោសសំអាតសំណល់ជាតិផ្ទុះពីសង្រ្គាម គឺជាការងារអាទិភាពទី២ដែលត្រូវដោះស្រាយ បន្ទាប់ពីបញ្ហាគ្រាប់មីន ហេីយខេត្តក្រចេះនឹងអស់មីននៅចុងឆ្នាំ២០២៣។

លោកទេសរដ្ឋមន្រ្តីបានមើលឃើញថា ការអប់រំនៅតែជាកិច្ចការដ៏ចាំបាច់និងដើរតួនាទីយ៉ាងសំខាន់ ក្នុងការកាត់បន្ថយគ្រោះថ្នាក់ និងផលប៉ះពាល់ ដោយសំណល់ជាតិផ្ទុះពីសង្គ្រាមនៅតាមសហគមន៍ ក៏ដូចជានៅក្នុងប្រទេសកម្ពុជាទាំងមូល៕