បណ្ដុំវីដេអូ អគ្គិភ័យឆាបឆេះអគារខ្ពស់កប់ពពកនៅ ហុងកុង

អ្នកពន្លត់អគ្គិភ័យហុងកុងបានញាប់ដៃញាប់ជើងពន្លត់ភ្លើងឆេះដ៏ធំមួយលើអគារខ្ពស់កប់ពពកកាលពីថ្ងៃព្រហស្បតិ៍ ខណៈដែលអគារមួយនេះ កំពុងស្ថិតនៅក្រោមការសាងសង់នៅឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្ស ២ នាក់បានសម្រាកព្យាបាលនៅមន្ទីរពេទ្យ បន្ទាប់ពីរងរបួសដោយសារតែអគ្គិភ័យដែលបានផ្ទុះឆេះឡើងនៅក្នុងការដ្ឋានសំណង់មួយកន្លែងនៅលើកំណាត់ផ្លូវ Middle Road នៃសង្កាត់ Tsim Sha Tsui ។

វីដេអូដែលបានបង្ហោះនៅលើប្រព័ន្ធផ្សព្វផ្សាយសង្គមបានបង្ហាញថា អណ្តាតភ្លើងបានផ្ទុះឆេះឡើងនៅជាន់ខាងលើរបស់អគារ ហើយរងើកភ្លើងក៏បានធ្លាក់ចុះក្រោមដូចទឹកភ្លៀង នៅជុំវិញតំបន់នោះ ។

យោងតាមរបាយការណ៍បានឲ្យដឹងថា អគារលំដាប់ផ្កាយ ៥ ចំនួន ៤ ខ្នងនៅជាប់គ្នានោះក៏បានឆាបឆេះផងដែរ ប៉ុន្តែត្រូវបានពន្លត់វិញទាន់ពេលវេលា ។

គួរបញ្ជាក់ថា អគារខ្ពស់កប់ពពកដែលត្រូវបានអគ្គិភ័យលេបត្របាក់នេះ គឺសាងសង់ឡើងក្នុងគោលបំណងបង្កើតជាក្លឹប និងសណ្ឋាគារ ហើយត្រូវបានគេដឹងថា មានកម្ពស់ ៤២ ជាន់ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប៉ូលិសរកឃើញ ក្បាលនិងឆ្អឹងជំនីរ តារាស្រី ហុងកុង នៅក្នុងឆ្នាំងស៊ុប