លោក ម៉ៅ ធនិន អញ្ជើញបើកកម្មវិធីកំពតសង្ក្រាន្ត ក្នុងឱកាសពិធីបុណ្យចូលឆ្នាំថ្មី

កាលពីរសៀលថ្ងៃទី ១៤ ខែមេសា ឆ្នាំ ២០២៣ លោក ម៉ៅ ធនិន អភិបាល នៃគណៈអភិបាលខេត្តកំពត និងលោកស្រី ហ៊ុន ចាន់ធី ម៉ៅធនិន បានអញ្ជើញជាអធិបតីក្នុងពិធីបើកឲ្យដំណើរការកម្មវិធីកំពតសង្ក្រាន្ត ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរៀបចំកម្មវិធីកំពតសង្ក្រាន្តនេះ គឺដើម្បីឲ្យប្រជាពលរដ្ឋ ក៏ដូចជាភ្ញៀវទេសចរជាតិ-អន្តរជាតិ មានភាពសប្បាយរីករាយ​ ​ក្នុងឱកាស​ពិធីបុណ្យ​ចូលឆ្នាំ​ថ្មី ប្រពៃណី​ជាតិខ្មែរ​រយៈពេល ៣ថ្ងៃ ចាប់ពីថ្ងៃទី ១៤ រហូតដល់ថ្ងៃទី ១៦ ខែមេសា ឆ្នាំ ២០២៣។

នាយករដ្ឋបាលខេត្តកំពត បានឲ្យដឹងថា សម្រាប់កំពតសង្ក្រាន្ត ក្នុងឱកាសពិធីបុណ្យចូលឆ្នាំថ្មី ប្រពៃ​ណីជាតិខ្មែរ ឆ្នាំ ២០២៣នេះ រដ្ឋបាលខេត្ត បាន​រៀបចំកម្មវិធីនេះឲ្យ​ប្លែក​ជាង​រាល់​ឆ្នាំ និង​អំពាវនាវ​ដល់​ ប្រជាពលរដ្ឋ និងភ្ញៀវជាតិ-អន្តរជាតិ អញ្ជើញចូលរួមកម្សាន្ដសប្បាយ នៅតាមរមណីយដ្ឋាននានា នៅក្នុងភូមិសាស្ត្រខេត្តកំពត។

ក្នុងនោះដែរ រដ្ឋបាលខេត្តកំពត ក៏បានអំពាវនាវដល់ប្រជាពលរដ្ឋ និងភ្ញៀវទេសចរជាតិ-អន្តរជាតិ ចូលរួមលេងល្បែងប្រជាប្រិយខ្មែរដូចជា៖ ទាញ​ព្រ័ត្រ វាយក្អម ស្តេចចង់ បោះ​អង្គុញ់ ចាប់កូនខ្លែង និងរាំ​លេង​កម្សាន្ត ជាដើម៕

អត្ថបទ៖ សឹង រ៉ាត់