ព័ត៌មានអន្ដរជាតិ
អាមេរិក ពិភាក្សាយកទឹកដី ហ្វាំងឡង់ ធ្វើជាមូលដ្ឋានយោធារបស់ខ្លួន
សហរដ្ឋអាមេរិក និងប្រទេសហ្វាំងឡង់កំពុងពិភាក្សាលើកិច្ចព្រមព្រៀងសហប្រតិបត្តិការការពារជាតិថ្មីមួយ ដែលនឹងអនុញ្ញាតឲ្យទីក្រុងវ៉ាស៊ីនតោនប្រើប្រាស់ទឹកដីនៃប្រទេស Nordic មួយនេះធ្វើជាមូលដ្ឋានយោធារបស់ខ្លួនដើម្បីរក្សាទុកសព្វាវុធ និងឧបករណ៍ផ្សេងៗ ។
ប្រព័ន្ធផ្សព្វផ្សាយហ្វាំងឡង់បានរាយការណ៍ថា ការចរចារវាងប្រទេសទាំងពីរបានធ្វើឡើងនៅទីក្រុង Helsinki កាលពីសប្តាហ៍មុន ខណៈយោងតាមលោក Mikael Antella អនុប្រធាននាយកដ្ឋាននយោបាយនៃក្រសួងការបរទេសហ្វាំងឡង់ បានឲ្យដឹងថា កិច្ចចរចានេះនឹងអនុញ្ញាតឲ្យប្រទេសហ្វាំងឡង់ពង្រឹងការការពាររបស់ខ្លួន ដោយសារការដាក់ពង្រាយឧបករណ៍យោធាអាមេរិក ។
លោក Antella បញ្ជាក់ទៀតថា កិច្ចព្រមព្រៀងនេះនឹងផ្តល់ភ្លើងខៀវដល់សហរដ្ឋអាមេរិក ក្នុងការដាក់ពង្រាយកងទ័ពរបស់ខ្លួននៅក្នុងប្រទេសហ្វាំងឡង់ ក៏ដូចជាការវិនិយោគលើហេដ្ឋារចនាសម្ព័ន្ធពីមូលនិធិដែលបានបម្រុងទុកសម្រាប់ក្រសួងការពារជាតិ ពីសំណាក់សភាសហរដ្ឋអាមេរិកផងដែរ ។ ទោះជាយ៉ាងណា មកទល់ពេលនេះ ការដាក់ពង្រាយអាវុធនុយក្លេអ៊ែរមិនត្រូវបានគេលើកយកមកពិភាក្សានោះទេ ។
ទន្ទឹមនោះ ប្រព័ន្ធផ្សព្វផ្សាយហ្វាំងឡង់បានពិពណ៌នាពីកិច្ចចរចានេះថា “ស្របតាមកិច្ចព្រមព្រៀងស្រដៀងគ្នារបស់សហរដ្ឋអាមេរិកជាមួយប្រទេសស៊ុយអែត ជាអ្នកជិតខាងរបស់ហ្វាំងឡង់ដែលមានគម្រោងចូលរួមជាមួយសម្ព័ន្ធភាពយោធាមួយនេះផងដែរ ។
គួរបញ្ជាក់ថា ប្រទេសហ្វាំងឡង់បានចូលជាសមាជិកអង្គការណាតូជាផ្លូវការនៅខែមេសា ពោលជិត ១ ឆ្នាំ បន្ទាប់ពីរដ្ឋាភិបាលទីក្រុង Helsinki បានដាក់ពាក្យសុំជាលើកដំបូង ខណៈប្រទេសស៊ុយអែតក៏បានដាក់ពាក្យសុំរួមគ្នាផងដែរ ប៉ុន្តែសមាជិកភាពរបស់ខ្លួននៅក្នុងសម្ព័ន្ធភាពយោធាមួយនេះ មានភាពស្មុគស្មាញដោយសារការទាមទារដែលដាក់ចេញដោយប្រទេសតួកគី និងហុងគ្រី ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អ៊ុយក្រែន ពឹងលើប្រទេសចំនួន ៤ ទើបអាចចូលជាសមាជិកអង្គការណាតូ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ