Paris Hilton កើតទុក្ខខ្លាំង ព្រោះឆ្កែជាទីស្រលាញ់ស្លាប់ចោល

ឆ្កែចិញ្ចឹមរបស់ Paris Hilton ឈ្មោះ Harajuku Bitch អាយុ ២៣ ឆ្នាំ ជាពូជឆ្កែ Chihuahua បានស្លាប់ហើយ ។ Hilton ស្រលាញ់ឆ្កែរបស់នាងដូចសមាជិកគ្រួសារ និងចាត់ទុកពួកគេជាមិត្តភ័ក្ដិដ៏ស្មោះត្រង់ដែលតែងតែនៅក្បែរគ្នារាល់ពេលមានបញ្ហា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃច័ន្ទ ទី២២ ខែឧសភា នេះ Paris Hilton បានបង្ហោះក្នុងគណនី Instagram ដើម្បីប្រកាសអំពីដំណឹងនៃការស្លាប់របស់ឆ្កែនាង ព្រមទាំងភ្ជាប់ជាមួយឆ្កែ Chihuahua ជាច្រើនទៀតដែលនាងចិញ្ចឹម ។

នៅក្នុងការបង្ហោះនោះផងដែរ Hilton ផ្ដើមថា “ថ្ងៃនេះ បេះដូងរបស់ខ្ញុំខ្ទេចខ្ទីអស់ហើយ ខ្ញុំត្រូវលា Chihuahua ដ៏សំខាន់សម្រាប់ខ្ញុំគឺ Harajuku Bitch” ។ Hilton បន្ត “អស់រយៈពេល ២៣ ឆ្នាំកន្លងទៅនេះ នាងបំពេញក្ដីស្រលាញ់ សេចក្ដីស្មោះត្រង់ និងពេលវេលាមិនអាចបំភ្លេចបានឲ្យជីវិតរបស់ខ្ញុំច្រើនណាស់” ។

មហាសេដ្ឋីរូបនេះបញ្ចប់សារដោយបង្ហាញក្ដីស្រលាញ់ នឹករឭកចំពោះ Harajuku ជាខ្លាំង និងរៀបរាប់អំពីដំណើរជីវិតដែលពួកគេធ្លាប់ដើរជាមួយគ្នាកន្លងមកយ៉ាងគួរឲ្យសោកស្ដាយទៀតផង មិនតែប៉ុណ្ណោះអ្នកគាំទ្រក៏ចូលរួមរំលែកទុក្ខដូចគ្នា ៕

ប្រែសម្រួល ៖ វារី

ចុចអាន ៖ អាហារ ៩ ប្រភេទ ជាថ្នាំពុលសម្រាប់សត្វឆ្កែ

ចុចអាន ៖ មកដឹងពីប្រវត្តិសត្វចិញ្ចឹមជាទីស្រលាញ់ដំបូងបង្អស់ របស់មនុស្សលោក