កីឡា

ថៃនិយាយថា ការមកប្រកួតប៉ារ៉ាហ្គេមនៅកម្ពុជា ទុកជាគោលដៅត្រៀមប៉ារ៉ាឡាំពិក នៅបារាំង ឆ្នាំក្រោយ

បានផុស

៣ years មុន

នៅ

ថ្ងៃព្រហស្បតិ៍ ១ មិថុនា ២០២៣

ដោយ

អត្តពលិកប៉ារ៉ាឡាំពិកថៃ ត្រៀមសម្រាប់ព្រឹត្តិការណ៍អាស៊ានប៉ារ៉ាហ្គេម លើកទី១២ នៅកម្ពុជា ដឹកនាំដោយកីឡាករប្រណាំងរទេះរុញ Pongsakorn Paeyor រួមជាមួយអត្តពលិកចំនួន ៣០៤នាក់បានចាកចេញមកកាន់រាជធានីភ្នំពេញរួចរាល់ហើយ ដែលចូលរួមប្រកួតចន្លោះថ្ងៃទី៣-៩ ខែមិថុនា ឆ្នាំ២០២៣។

លោកអនុសេនីយ៍ឯក Naiyanop Bhirombhakdi ប្រធានគណៈកម្មាធិការប៉ារ៉ាឡាំពិកប្រទេសថៃ មានប្រសាសន៍ថា អត្តពលិកទាំងអស់បានហ្វឹកហាត់ជាយូរណាស់មកហើយ ចាប់តាំងពីការបញ្ចប់ព្រឹត្តិការណ៍អាស៊ានប៉ារ៉ាហ្គេម នៅទីក្រុង Solo ប្រទេសឥណ្ឌូនេស៊ី កាលពីខែសីហាឆ្នាំមុនរួមមានកីឡាមួយចំនួនដូចជា វាយកូនឃ្លីលើតុ, វាយសី, លើកទម្ងន់ និងហែលទឹក ក៏ធ្វើបានល្អផងដែរ។ ដែលក្រៅពីការហ្វឹកហាត់ខ្លាំងក៏ចេញទៅពង្រឹងបទពិសោធន៍ក្នុងការប្រកួតប្រជែងនៅបរទេសជាបន្តបន្ទាប់សម្រាប់គោលដៅធំគឺ “កីឡាប៉ារ៉ាឡាំពិកឆ្នាំ ២០២៤” នៅប្រទេសបារាំង ឆ្នាំក្រោយ។

ប្រធានគណៈកម្មាធិការរូបនេះបានឲ្យដឹងថា «អាស៊ានប៉ារ៉ាហ្គេម អត្ថប្រយោជន៍គឺយើងអាចបញ្ជូនអត្តពលិកបានយ៉ាងច្រើន។ ក្រៅពីអត្តពលិកដែលមានបទពិសោធន៍យូរក្នុងកម្មវិធីនេះ យើងក៏ផ្តល់ឱកាសដល់អត្តពលិកថ្មីៗផងដែរ។ អនុញ្ញាតឱ្យគាត់ទៅទទួលយកបទពិសោធន៍នោះ គឺបង្កើតអត្តពលិកជំនាន់ថ្មី ក្នុងខ្លួនឯង។ ហើយបន្តប្រយុទ្ធក្នុងការប្រកួតប្រជែងដ៏ធំនាពេលអនាគត។»

សម្រាប់ព្រឹត្តិការណ៍អាស៊ានប៉ារ៉ាហ្គេម លើកទី១២ “Cambodia 2023” នឹងប្រកួតរវាងថ្ងៃទី០៣-០៩ ខែមិថុនា ឆ្នាំ២០២៣ នៅរាជធានីភ្នំពេញ ព្រះរាជាណាចក្រកម្ពុជា។

ក្នុងន័យនេះ ស្នាដៃក្នុងព្រឹត្តិការណ៍អាស៊ានប៉ារ៉ាហ្គេម លើកចុងក្រោយ លើកទី១១ “Solo 2022” នៅទីក្រុង Solo សាធារណរដ្ឋឥណ្ឌូនេស៊ី អត្តពលិកប៉ារ៉ាថៃទទួលបានមេដាយពីការប្រកួតកីឡាចំនួន ១៤ប្រភេទ និងចំណាត់ថ្នាក់លេខ ២ មានមេដាយមាស ១១៦គ្រឿង មេដាយប្រាក់ ១១៣គ្រឿង មេដាយសំរឹទ្ធ ៩០គ្រឿង នៅពីក្រោយ “ម្ចាស់ផ្ទះ” ឥណ្ឌូនេស៊ី៕

ប្រែសម្រួល ៖ មន្នីរ័ត្ន

ប្រភព៖ siamsport.co.th