ត្រឹមរយៈពេលជាង ២ សប្តាហ៍ រឿង ‘Fast X’ រកចំណូលបានជាង ៦០០ លានដុល្លារ

យោងទៅតាមក្រុមហ៊ុន Collider បានរាយការណ៍ពីប្រាក់ចំណូលរឿង ‘Fast X’ របស់ Universal Pictures បានឈានដល់ជាង ៦០០ លានដុល្លារ បន្ទាប់ពីការចេញផ្សាយជាង ២ សប្តាហ៍ ដែលខ្សែភាពយន្តនេះមានការទាក់ទាញយ៉ាងខ្លាំងនៅក្នុងទីផ្សារអន្តរជាតិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមថ្ងៃទី ៤ ខែមិថុនា Fast X ទទួលបានប្រាក់ចំណូល ៦៣០ លានដុល្លារទូទាំងពិភពលោក ក្នុងនោះប្រាក់ ១២៨ លានដុល្លារបានមកពី Box Office ក្នុងស្រុក និងជិត ៤៧៥ លានដុល្លារពីទីផ្សារអន្តរជាតិ។ ទិន្នន័យនេះត្រូវបានបញ្ជា ក់ដោយអ្នកមើលតារាង Box Office Mojo ។ នៅចុងសប្តាហ៍មុន ភាពយន្ត ‘Fast X’ រកចំណូលបាន ៩.២៤ លានដុល្លារក្នុងស្រុកនិងធ្លាក់ចុះ ៦០ភាគរយបើធៀបនឹងចុងសប្តាហ៍ដំបូងនៃការចេញផ្សាយ។

ទន្ទឹមនឹងនោះ ប្រាក់ចំណូល ៤១.៤ លានដុល្លារទូទាំងពិភពលោក ដែលធ្លាក់ចុះ ៥២ ភាគរយ តាមអ្នកសង្កេតការណ៍បាននិយាយថា ខ្សែភាពយន្តនេះមានការទាក់ទាញយ៉ាងខ្លាំងនៅ ក្នុងទីផ្សារបរទេសដោយសារតែប្រាក់ដែលរកបាននៅ Box Office ក្នុងស្រុកមានត្រឹមតែ ២១ ភាគរយនៃប្រាក់ ចំណូលសរុបប៉ុណ្ណោះ។

យ៉ាងណាមិញ ដោយការចំណាយទៅលើការផលិតនៃចំណាយអស់ចំនួនទឹកប្រាក់ ៣៤០ លានដុល្លារ ហើយគម្រោង ភាគយន្តនេះត្រូវរកចំណូលបានយ៉ាងហោចណាស់ ៨៥០ លានដុល្លារដើ ម្បីចាប់ផ្តើមរកប្រាក់ចំណេញរបស់ខ្លួន ៕

ប្រែសម្រួល៖នាងតូច

ចុចអាន៖Taylor Swift ប្រេះឆាជាមួយមិត្តប្រុសថ្មី ក្រោយទាក់ទងគ្នាបានមួយខែ