សុខភាព
ល្បីថា “តែបៃតង” ជួយឲ្យឆាប់មានកូន?
គ្រាន់តែឮ “តែបៃតង” ជួយសុខភាពល្អ រាងស្អាត កាត់បន្ថយហានិភ័យមហារីក គ្នាយើង ពិសេសស្រីៗ នាំគ្នាផឹកភ្លូកទឹកភ្លូកដី មិនអ៊ីចឹង? “Hello គ្រូពេទ្យ” ចង់ប្រាប់ដំណឹងល្អមួយទៀត ក្រៅពីជួយសុខភាព “តៃបៃតង” ថែមទាំងអាចជួយស្រីៗឲ្យឆាប់មានអូនៗគួរឲ្យស្រលាញ់ទៀតផង។
មកទល់នឹងពេលនេះ នៅមានចំណុចខ្វែងគំនិតគ្នាច្រើន ពាក់ព័ន្ធអត្ថប្រយោជន៍ តែបៃតង ដោយការសិក្សាមួយចំនួនបានបង្ហាញថា ផឹក តែបៃតង អាចជួយបង្កើនឱកាសមានផ្ទៃពោះ ប៉ុន្តែមានការសិក្សាផ្សេងទៀត បង្ហាញថា ជាតិកាហ្វេអ៊ីនក្នុងតែបៃតង អាចជះឥទ្ធពលលើរាងកាយ ពិសេសអាចប៉ះពាល់ដល់ការបង្កកំណើតទៀតផង។ យ៉ាងណា អត្ថបទនេះ និងបង្ហាញច្បាស់ ការសិក្សាមួយណាអាចជឿជាក់បាន។
១- យើងបានដឹងពីអ្វីខ្លះពីតែបៃតង?
តែបៃតង ជាភេសជ្ជៈដ៏ពេញនិយមសម្រាប់មនុស្សទូទៅ ទូទាំងពិភពលោក ដោយសារអត្ថប្រយោជន៍របស់វាតែម្តង។ តែប្រភេទនេះ ត្រូវគេចម្រាញ់ចេញពីស្លឹករុក្ខជាតិម្យ៉ាង ឈ្មោះ Camellia Sinensis ដោយប្រើស្លឹកមិនទាន់ដុះមេ មកធ្វើជាតែ។ តែបៃតង មានផ្ទុកសារធាតុ Polyphenols (គីមីធម្មជាតិ) ដល់ទៅ ៣០-៤០ ភាគរយ ដែលសារធាតុប្រឆាំងអុកស៊ីតកម្មដ៏អស្ចារ្យមួយ។
ក្រៅពីសារធាតុ Polyphenols តែបៃតង មានស្តុកសារធាតុប្រឆាំងរ៉ាឌីកាល់សេរី ពពួក Catechins ផងដែរ ដោយមានសារធាតុនេះ សរុបដល់ទៅ ៦យ៉ាង រួមមាន Catechin, Gallaocatechin, Epicatechin, Epigallocatechin, Epicatechin gallate និងសារធាតុ Apigallocatechin gallate (EGCG)។ លើសពីនេះ ក៏មានសារធាតុគីមីពពួក Alkaloids ដូចជា Caffeine Theobromine និង Theophylline ផងដែរ។
អ្នកវិទ្យាសាស្ត្រលើកឡើងថា តែបៃតង ពិតជាមានគុណប្រយោជន៍ច្រើន ដូចជា ជួយសម្រកទម្ងន់ កាត់បន្ថយហានិភ័យ ជំងឺបេះដូង និងមហារីក ជួយកាត់បន្ថយការជក់បារី ញ៉ាំខ្លាញ់តិច និងសម្រួលដល់ការហាត់ប្រាណឲ្យបានទៀងទាត់។ បច្ចុប្បន្ន ផលិតផលធ្វើពីតែបៃតង មានច្រើនបែបច្រើនយ៉ាង ដូចជា ស្លឹកតែស្ងួត តែចម្រាញ់ពីស្លឹក និងផ្កា ក៏ដូចជា ប្រភេទថ្នាំគ្រាប់ និងថ្នាំទឹកជាដើម។
២- តែបៃតងជួយស្រីៗឆាប់មានកូនមែនអត់?
មានមនុស្សមិនតិចទេ លើកឡើងថា តែបៃតង ជួយដល់ស្ត្រីឲ្យឆាប់មានកូន។ ការសិក្សា នៃកម្មវិធីថែទាំវេជ្ជសាស្ត្រ Kaiser Permanente ក្នុងទីក្រុង Oakland រដ្ឋកាលីហ្វ័រញ៉ា សហរដ្ឋអាមេរិក បង្ហាញថា ស្រីៗផឹកតែបៃតងលើសកន្លះកែវ ក្នុងមួយថ្ងៃ បង្កើនឱកាសមានផ្ទៃពោះច្រើនជាង ២ដង បើធៀបជាមួយស្រីៗមិនបានផឹក។ ការសិក្សាបញ្ជាក់ដែរថា សារជាតិគីមីក្នុងតែបៃតង អាចជំរុញការបង្កកំណើតឲ្យកាន់តែមានប្រសិទ្ធភាពជាងមុន។
ផ្ទុយទៅវិញ មានការសិក្សារផ្សេងទៀត លើកឡើងថា ជាតិកាហ្វេអ៊ីនក្នុងតែបៃតង ជះឥទ្ធិពលលើការបង្កកំណើត ហើយគ្នាយើងផឹកជាតិកាហ្វេអ៊ីនលើសពី ៣០០មិល្លីក្រាម អំឡុងពេលមានផ្ទៃពោះ អាចប៉ះពាល់ដល់បេប៊ីក្នុងផ្ទៃ កើតមកមានទំហំតូចជាងអាយុ។ ហេតុនេះ បើស្រីៗគ្នាយើង កំពុងចង់បានអូនៗ ពិបាកយក ឬមានរដូវមិនទៀងទាត់ គួរទៅពិគ្រោះជាមួយគ្រូពេទ្យជំនាញជាមុន។ យ៉ាងណា យើងនៅតែអាចផឹកតែបៃតងបាន ប៉ុន្តែចាំថា គ្រប់យ៉ាងលើលោកនេះ សុទ្ធតែមានគុណសម្បត្តិ និងគុណវិបត្តិ ហេតុនេះគួរផឹកក្នុងកម្រិតសមរម្យបានហើយ។
យោងតាមសាកលវិទ្យាល័យផ្នែកសម្ភព និងរោគស្ត្រី សហរដ្ឋអាមេរិក បានណែនាំ ឲ្យផឹកសារជាតិកាហ្វេអ៊ីនក្រោម ២០០មិល្លីក្រាម ក្នុងមួយថ្ងៃ ទើបល្អ៕
អត្ថបទផ្ដល់សិទ្ធិដោយ Hello Krupet
ចុចអាន៖ តែបៃតងផ្ដល់សុខភាព តែបើផឹក៤ពេលនេះ អាចបង្កជាគ្រោះថ្នាក់
ចុចអាន៖ មកដឹងពីប្រសិទ្ធភាពកៅអៀកពន្យារកំណើត និងផលរំខានខ្លះៗក្រោយប្រើវា
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ