កីឡា
បុរសបារាំង Paul ជឿជាក់កីឡាកម្ពុជានឹងមានសន្ទុះកាន់តែខ្លាំងឡើង
លោក Paul Raguenaud ជនជាតិបារាំងមានការជឿជាក់លើវិស័យកម្ពុជានឹងមានសន្ទុះខ្លាំងឡើងថែមទៀត បន្ទាប់ពីរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ប្រកបដោយជោគជ័យ។
ការលើកឡើងរបស់លោក Paul Raguenaud នៅពេលលោកបានចូលរួមរត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ លើកទី១១ នៅមុខព្រះបរមរាជវាំង កាលពីព្រឹកថ្ងៃទី១១ ខែមិថុនា ឆ្នាំ២០២៣ ដើម្បីអបអរសាទរ ព្រះរាជពិធីបុណ្យចម្រើនព្រះជន្ម សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល។
បុរសបារាំងដែលចេះនិយាយខ្មែរតិចៗ និងកំពុងធ្វើការនៅកម្ពុជាប្រហែល២ឆ្នាំមកបាននិយាយថា លោកពិតជាសប្បាយរីករាយដែលបានចូលរួមរត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ។ នេះជាសកម្មភាពកីឡាដ៏ល្អក្នុងការជួយជំរុញ និងអភិវឌ្ឍកីឡានៅក្នុងប្រទេសកម្ពុជា បន្ទាប់ពីចប់កីឡាស៊ីហ្គេម និងអាស៊ានប៉ារ៉ាហ្គេម។
លោក Paul Raguenaud បានកោតសរសើរកម្ពុជាដែលរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមដោយជោគជ័យ។ លោកបាននិយាយថា ៖«ខ្ញុំពិតជាចាប់អារម្មណ៍នឹងការរៀបចំរបស់កម្ពុជាសម្រាប់កីឡាស៊ីហ្គេម និងអាស៊ានប៉ារ៉ាហ្គេមមែន ហើយឃើញកម្ពុជាទទួលបានមេដាយច្រើន។ ខ្ញុំជឿជាក់ថា វិស័យកីឡាកម្ពុជាមិនឈប់ត្រឹមនេះទេ គឺនឹងមានសន្ទុះកើនឡើងខ្លាំងថែមទៀត»។
អ្វីដែលលោកកាន់តែចង់ឃើញថែមទៀតនោះគឺថ្ងៃណាមួយនឹងមានការប្រកួតជើងឯកពិភពលោក World Cup នៅលើទឹកដីកម្ពុជា។
បុរសជនជាតិបារាំងចង់ចូលរួមរត់ពាក់កណ្ដាលម៉ារ៉ាតុងអន្ដរជាតិបន្តទៀតទាំងនៅខេត្តព្រះសីហនុ និងខេត្តសៀមរាប ពីព្រោះជាសកម្មភាពចូលរួមលើកកម្ពស់វិស័យកីឡានៅកម្ពុជា និងដើម្បីមិត្តភាព សុខភាព និងសកម្មភាពសង្គម៕
អត្ថបទ៖ វីរបុត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ