ល្បីថា Han So Hee កំពុងទាក់ទងស្នេហាជាមួយតារាបង្ហាញម៉ូដ Chae Jong Seok

ថ្មីៗនេះពាក្យចចាមអារ៉ាមណាត់ជួបគ្នារវាង Han So Hee និង Chae Jong Seok បានចាប់ផ្តើមចែករំលែកពាសពេញបណ្ដាញសង្គមកូរ៉េ បន្ទាប់ពីអ្នកនិយមលេងអ៊ីនធឺរណិតចាប់បានភស្តុតាងមួយចំនួនដូចជា ការបង្ហោះរូបភាពនៅទីតាំងស្រដៀងគ្នា និងការប្រើប្រាស់សម្ភារស្រដៀងគ្នា ប្រៀបបាននឹងគូស្នេហ៍។

យ៉ាងណាមិញ ក្រោយលេចឮដំណឹងលួចបង្កាត់ស្នេហ៍ជាមួយគ្នារវាងតារាសម្ដែង Han So Hee និងតារាបង្ហាញម៉ូដ Chae Jong Seok ទីភ្នាក់ងារ 9ATO Entertainment របស់ Han So Hee បានបដិសេធពាក្យចចាមអារ៉ាមនេះថាជារឿងមិនពិត។

នៅក្នុងសេចក្តីថ្លែងការណ៍មួយពី 9ATO Entertainment ទៅកាន់ Mydaily ទីភ្នាក់ងារនេះបានបដិសេធយ៉ាងម៉ឺងម៉ាត់នូវពាក្យចចាមអារ៉ាមដែលថាអ្នកទាំងពីរមានទំនាក់ទំនងស្នេហាជាមួយគ្នា។ “ពាក្យចចាមអារ៉ាមដែលថា Han So Hee និង Chae Jong Seok កំពុងទាក់ទងគ្នាគឺមិនពិតទេ។ អ្នក​ទាំង​ពីរ​គ្រាន់​តែ​ជា​មិត្ត​ជិតស្និទ្ធ​នឹង​គ្នា​ប៉ុណ្ណោះ” ៕

ប្រែសម្រួល៖ សន្យា

ចុចអាន៖ ផលិតកម្មរបស់ YoonA និង Junho ឆ្លើយតបព័ត៌មានណាត់ជួបរវាងតារាទាំងពីរ

ចុចអាន៖ តារាជើងចាស់អន្តរជាតិ ៤ ដួង មានកូនដោយមិនដឹងខ្លួន