ព័ត៌មានជាតិ

៥០ភាគរយទៀតទេ បងប្អូនច្បារអំពៅនឹងមានសួនច្បារនិងទីលានហាត់ប្រាណ នៅចន្លោះស្ពានព្រះមុនីវង្សចាស់ថ្មី

បានផុស

៥ years មុន

នៅ

ថ្ងៃអង្គារ ២៦ មករា ២០២១

ដោយ

ការដ្ឋានសាងសង់សួន ច្បារនិងទីលានសម្រាប់ហាត់ប្រាណ ដែលមានទីតាំងស្ថិតនៅចន្លោះស្ពានព្រះមុនីវង្សចាស់ថ្មីប៉ែកខាងកើតទន្លេបាសាក់ ក្នុងភូមិសាស្ត្រខណ្ឌច្បារអំពៅ បានសម្រេចជិត៥០ភាគរយហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក ពៅ ហួត ចៅសង្កាត់ច្បារអំពៅទី១ បានឲ្យដឹងនៅព្រឹកថ្ងៃទី២៦ខែមករានេះថា ការដ្ឋានសាងសង់សួនច្បារនិងទីលានហាត់ប្រាណ ស្ថិតនៅចន្លោះស្ពានព្រះមុនីវង្សចាស់ថ្មី នេះ គឺសាងសង់បានប្រមាណជា៥០ភាគរយហើយ ក្នុងនោះក្រុមហ៊ុនម៉ៅការបាននិងកំពុងសាងសង់យ៉ាងញាប់ដៃញាប់ជើង និងបានរួចរាល់ក្នុងអំឡុងខែមិនាខាងមុខនេះ។

ចំពោះទីលានសម្រាប់ហាត់ប្រាណវិញ គឺសម្រាប់ផ្ដល់ទៅដល់បងប្អូនប្រជាពលរដ្ឋច្បារអំពៅបានហាត់ប្រាណ ខណៈដែលសព្វថ្ងៃបងប្អូនប្រជាពលរដ្ឋលោកនាំគ្នាហាត់ប្រាណលើផ្លូវថ្នល់មុខផ្ទះ ដែលបង្កឲ្យប៉ះពាល់ដល់អ្នកធ្វើដំណើ។ ដូច្នេះហើយទើបលោក ចេង មុនីរ៉ា អភិបាលនៃគណអភិបាលខណ្ឌច្បារអំពៅបានលើកសំណើទៅសាលារាជធានីភ្នំពេញ ដើម្បីសុំទីតាំងចន្លោះស្ពានព្រះមុនីវង្សចាស់ ថ្មី ធ្វើជាសួនច្បារផងនឹងទីលានសម្រាប់ហាត់ប្រាណផង។

ខណៈដែលការដ្ឋានសាងសង់សួនច្បារនឹងទីលានសម្រាប់ហាត់ប្រាណ បាននិងកំពុងស្ថាបនាយ៉ាងមមាញឹកបែបនេះ បងប្អូនប្រជាពលរដ្ឋ ដែលកំពុងកង្វះទីតាំងសម្រាប់ហាត់ប្រាណបានសំដែងនូវក្តីរីករាយ ព្រោះបានទីតាំងស្អាតសម្រាប់ហាត់ប្រាណដោយមិនបារម្ភពីគ្រោះថ្នាក់ដោយអចេតនានៅពេលដែលប្រជាពលរដ្ឋនាំគ្នាហាត់ប្រាណលើផ្លូវថ្នល់មុខផ្ទះ៕

អត្ថបទ៖ នរា

សូមចុចអាន៖ អ្នកជំនាញវិស័យធនាគារអះអាងថា សុខុមាលភាពវិស័យធនាគារក្នុងឆ្នាំ២០២១ នៅតែដំណើរការល្អប្រសើរ

Related Topics:ខណ្ឌច្បារអំពៅ