វៀតណាម ចាប់បានមនុស្ស៣នាក់ទៀត ពាក់ព័ន្ធការវាយប្រហារភេរវកម្មនៅ Dak Lak

នៅថ្ងៃសុក្រទី២១ខែកក្កដា មនុស្សបីនាក់ទៀត ត្រូវបានចាប់ខ្លួនក្នុងខេត្ត Dak Lak នៃប្រទេសវៀតណាម ដោយសារជាប់ពាក់ព័ន្ធក្នុងការវាយប្រហារលើការិយាល័យគណៈកម្មាធិការប្រជាជនចំនួនពីរ កាលពីខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសទាំង៣ឈ្មោះ Y Khing Lieng អាយុ៣១ឆ្នាំ, Nay Duong អាយុ៥៥ឆ្នាំ និង Y Hoal Eban អាយុ៥៣ឆ្នាំ ត្រូវ​បាន​ចាប់​ខ្លួន ខណៈ​ពួកគេ​កំពុង​លាក់​ខ្លួន​នៅ​លើ​ភ្នំ​ក្នុងឃុំ Ea Ktur។

ពួកគេទាំង៣នាក់ស្ថិតក្នុងចំណោមមុខសញ្ញាធំទាំង៦ ដែលសមត្ថកិច្ចតាមចាប់ ពាក់ព័ន្ធការវាយប្រហារនៅឃុំ Ea Tieu និង Ea Ktur កាលពីថ្ងៃទី១១ខែមិថុនា ដែលបណ្តាលឲ្យមនុស្ស៩នាក់ បាត់បង់ជីវិត។ មុខសញ្ញាធំ៣នាក់ទៀត ត្រូវបានចាប់ខ្លួនកាលពីថ្ងៃសៅរ៍ សប្តាហ៍មុន។

ក្រៅពីការចាប់ខ្លួនជនសង្ស័យទាំង៣នាក់ ប៉ូលិសក៏បានដកហូតកាំភ្លើង និងគ្រាប់ផងដែរ។

រហូតមកដល់ពេលនេះ មនុស្សជាង៩០នាក់ត្រូវបានចាប់ខ្លួន ដើម្បីធ្វើការស៊ើបអង្កេតលើការចោទប្រកាន់ជាច្រើន រួមទាំងអំពើភេរវកម្ម។

យោងតាមប្រភពផ្លូវការបានឲ្យដឹងថា ក្នុងចំណោមអ្នកដែលត្រូវចាប់ខ្លួន មានម្នាក់ជាសមាជិកនៃអង្គការមានមូលដ្ឋាននៅសហរដ្ឋអាមេរិក ដែលគេបញ្ជាឲ្យចូលវៀតណាម ដើម្បីបើកការវាយប្រហារ៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ចាប់បានជនសង្ស័យបន្ថែមទៀតក្នុងការវាយ ប្រហារប្រដាប់អាវុធនៅខេត្តជាប់ កម្ពុជា