ចង់ឃើញ Idol រៀបការឆាប់ ហ្វេនប្រើបច្ចេកវិទ្យា AI បង្កើតមុខមាត់កូនប្រុសស្រី IU និង Lee Jongsuk

ក្រោយប្រកាសទំនាក់ទំនងជាផ្លូវការ គូស្នេហ៍តារាស្រី IU និងតារាប្រុស Lee Jong Suk ត្រូវបានទស្សនិកជនចាប់អារម្មណ៍យ៉ាងខ្លាំង និងតែងតែតាមដានសកម្មភាពពួកគេមិនសូវខាន។

ទំនាក់ទំនងស្នេហារវាងកំពូលតារាកូរ៉េទាំងពីរបានធ្វើឱ្យអ្នកគាំទ្រនាំគ្នាសាទរ ព្រមទាំងអន្ទះសារចង់ឃើញពួកគេដឹកដៃគ្នាចូលរោងការក្នុងពេលឆាប់ៗផងដែរ។ ដោយសារសន្ទុះចិត្តនៃការគាំទ្រ ហ្វេនមួយចំនួនរបស់ IU និង Lee Jong Suk ដែលពូកែខាងបច្ចេកវិទ្យាបាននាំគ្នាបង្កើតរូបកូនប្រុសស្រីរបស់តារាទាំងពីរ តាមរយៈកម្មវិធី AI យ៉ាងស្រស់ស្អាត។

ក្រោយរូបភាពបានចែករំលែកនៅលើបណ្ដាញសង្គម វាទទួលបានការពេញចិត្ត ក៏ដូចជាការគាំទ្រយ៉ាងច្រើនពីសំណាក់ទស្សនិកជន។ ដោយសារសម្រស់អនាគតប៉ាម៉ាក់ទាំងពីរសុទ្ធតែស្រស់ស្អាត និងស្រស់សង្ហា ​កូនៗពួកគេដែលបច្ចេកវិទ្យា AI បង្កើតឡើងពិតជាស្រស់ស្អាត គួរឱ្យស្រឡាញ់មិនចាញ់ប៉ាម៉ាក់នោះទេ។ ការបង្កើតរូប AI បែបនេះ ព្រោះតែអ្នកគាំទ្ររំពឹងថា IU និង Lee Jong Suk អាចបន្តកាន់ដៃគ្នា រហូតអាចសាងគ្រួសារដ៏មានសុភមង្គលមួយនាថ្ងៃអនាគត។

រូប IU និង Lee Jong Suk នៅពីក្មេង !

រូបកូនប្រុសស្រីរបស់ IU និង Lee Jong Suk តាមបច្ចេកវិទ្យា AI !

ប្រែសម្រួល៖ សន្យា

ចុចអាន៖ រួមរស់ជាមួយគ្នា ១៩ឆ្នាំ Michelle Yeoh និងគូស្នេហ៍វ័យ ៧៧ឆ្នាំ​ ទើបសម្រេចចិត្តរៀបការ

ចុចអាន៖ មេដឹកនាំគណបក្ស Palang និយាយយ៉ាងខ្លីថា លោកពេញចិត្តខ្លាំងលើបវរកញ្ញា Engfa